JEREMIA 39:14 - BUKUIT NE TILIIL Sireet ne Dutero Kanon

¹⁴ ki iyookto kimut Jeremiah komong' eng' seremutap riibiik, ak konde ineendet eutap Gedalia weeriitap Aikam, weeriitap Sapan, si kobiit komut ineendet kwo kaa: kimeng'iis anyun eng' kwenutap piik.

Bukuit Ne Tilil

¹⁴ ki iyookto kimut Jeremiah komong' eng' seremutap riibiik, ak konde ineendet eutap Gedalia weeriitap Aikam, weeriitap Sapan, si kobiit komut ineendet kwo kaa: kimeng'iis anyun eng' kwenutap piik.

BUKUIT NE TILIL

¹⁴ kiiyokto kimut Jeremia komong’ eng’ seremutab ribik, ak konde inendet eutab Gedalia weritab Aikam, weritab Sapan, si kobiit komut inendet kwo ga: kimeng’is anyun eng’ kwenutab bik.

JEREMIA 39:14 Referencias Cruzadas

2 LAITORINIK 22:12

Ki ng'at `laitoryat Hilkiah tisiindet, Aikam weeriitap Sapan, Akbor weeriitap Mikaia, kobooto Sapan siriindet ak Asaiah otwogindetap laitoryat koleenji,

2 LAITORINIK 22:14

Ki pa anyun Hilkiah tisiindet ak Aikam, Akbor, Sapan ak Asaiah, ole ki mi maotyot Hulda ne ki osotyotap Shallum weeriitap Tikba, weeriitap Haras, ne ki riibindetap ngoroik. Ki menyei kwonyooto Jerusalem kebebertap aeng', ak ki ng'alaal `icheek kobooto ineendet.

2 ATEPTAP PEETUUSYEK 34:20

Ak ki ng'at laitoryat Hilkiah, ak Aikam weeriitap Sapan, ak Abdon weeriitap Mikah, ak Sapan siriindet, ak Asaiah otwogindetap laitoryat, koleenji,

TIENWOGIKAL 105:19

agoi peetuut ne ki isulda ng'olyoondennyi, ki tyem `ng'olyootap Kamuktaindet ne Toroor ineendet.

JEREMIA 26:22

Ak ki iyookto Laitoryat Jehoiakim piik koba Misiri, chooto ko Elnatan weeriitap Akbor, ak piik alak che ki mi kobooto ineendet, koba agoi Misiri;

JEREMIA 26:24

Ago ki riip Aikam weeriitap Sapan Jeremiah, si ma kigoito ineendet kobar piik.

JEREMIA 32:2

Kiyiem anyun lugeetap laitoryatap Babilon Jerusalem eng' peetuusyechooto: ak kiga kigerchi maotyot Jeremiah seremutap riibiik, ne ki mi kootap laitoryatap Judah.

JEREMIA 37:21

Ki ng'at anyun Zedekiah laitoryat, ak ki kimut Jeremiah kwo seremutap riibiik, ak ki kigoochin magatyat eng' peetuut age tugul kobunu ooreetap piik che peelei magatiinik, agoi kogeskei magatiinik tugul eng' nganaseet. Ki tebi anyun Jeremiah ko uu nooto eng' seremutap riibiik.

JEREMIA 38:13

Ki ichuut anyun Jeremiah eng' rogoonik, ak komut komong' eng' keriinget: ak ki tebee Jeremiah seremutap riibiik.

JEREMIA 38:28

Ki tebee anyun Jeremiah seremutap riibiik agoi peetuut ne ki kiluule Jerusalem.

JEREMIA 39:13

Ki iyookto anyun Nebusaradan kiptaiyatap riibiik, kobooto Nebusasban, Rab-saris, ak Nergal-saresar ak Rab-mag, ak kiptainik tugul che eecheen che po laitoryatap Babilon;

JEREMIA 39:15

Ki nyoonji anyun `ng'olyootap Kamuktaindet ne Toroor Jeremiah, ye kigerat eng' seremutap riibiik, koleenji,

JEREMIA 40:1

Ki nyoonji Jeremiah `ng'olyoot ne ki punu Kamuktaindet ne Toroor, ye kingo kagotyach Nebusaradan kiptaiyatap riibiik kwo eng' Ramah, ye kiga komut ineendet ko rataat eng' nyororosyek kobooto luulenik tugul che po Jerusalem ak Judah, che kiga kiluul koba Babilon.

JEREMIA 40:5

Ak ye ki tomo koweek, kole weege anyun kap Gedalia weeriitap Aikam weeriitap Sapan, ne kigonde laitoryatap Babilon koek pounindet koba nganasoogap Judah, ak komeng'iis kobooto piik: anan iwe oldo age tugul ole igeere ile nyoljinin iwe. Ki igoochi anyun kiptaiyatap riibiik amitwogik ineendet ak kagoochinet ak kounda kwo.

JEREMIA 40:6

Ki wo anyun Jeremiah kap Gedalia weeriitap Aikam eng' Mispa, ak komeng'iis kobooto ineendet eng' kwenutap piik che kiga ng'et eng' emet.

JEREMIA 40:7

Ak kingo kas kiptainik tugul che po lugoosyek che ki mi emotinwek, icheeget ak murenikwak, kole, kogonde laitoryatap Babilon Gedalia weeriitap Aikam koek pounindet eng' emet, ak kogonde eunnyi murenik, ak kwonyiik, ak lagok, ak piik alak che ki kibananook miising' eng' emet, che po icheek che ki ma kiluul koba Babilon;

JEREMIA 41:1

Ki nyo anyun Ishmael weeriitap Netania weeriitap Elisama ne po iyoteetap kaplaitoryat, kobooto kiptaiyat age ne oo ne po laitoryat, ak piik taman che ki mi kobooto ineendet, eng' arawetap tisap, kap Gedalia weeriitap Aikam eng' Mispa; ak ki amis tugul eng' olooto eng' Mispa.