JEREMIA 39:1 - BUKUIT NE TILIIL Sireet ne Dutero Kanon

¹ Ak kingo kageluul Jerusalem (eng' kenyiitap sogool ne po Zedekiah laitoryatap Judah, eng' arawetap taman, konyo Nebukadresar laitoryatap Babilon kobooto lugeennyi tugul kobookyi Jerusalem, ak koyiem;

Bukuit Ne Tilil

¹ Ak kingo kageluul Jerusalem (eng' kenyiitap sogool ne po Zedekiah laitoryatap Judah, eng' arawetap taman, konyo Nebukadresar laitoryatap Babilon kobooto lugeennyi tugul kobookyi Jerusalem, ak koyiem;

BUKUIT NE TILIL

¹ Ak kingo kageluul Jerusalem (eng’ kenyitab sogol ne bo Sedekia laitoriatab Juda, eng’ arawetab taman, konyo Nebukadresar laitoriatab Babulon koboto lugennyi tugul kobokyi Jerusalem, ak koyiem;

JEREMIA 39:1 Referencias Cruzadas

2 ATEPTAP PEETUUSYEK 36:17

Komutyi anyun icheeget laitoryatap Kaldeik, ne ki nyo kobar neranikwak eng' rotwetap chok, eng' kootap oldanywa ne tiliil, ama riiree muren anan tye, poiyot anan ne neegit koolil: ki inde tugul eunnyi.

JEREMIA 32:1

Ki nyoonji Jeremiah `ng'olyoot ne ki punu Kamuktaindet ne Toroor eng' kenyiitap taman ne po Zedekiah laitoryatap Judah, ne ki kenyiitap taman ak sisiit ne po Nebukadresar.

JEREMIA 34:1

Ki nyoonji Jeremiah `ng'olyoot ne ki punu Kamuktaindet ne Toroor, ye ki pargei Nebukadnezar laitoryatap Babilon, ak lugeennyi tugul, ak pounatosyek tugul che po ng'wony che ki mi pounatennyi, ak pororyosyek tugul kobaregei ak Jerusalem, ak nganasookyik tugul, koleenji:

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 52:1

Ki po kenyiisyek tiptem ak agenge Zedekiah ye ki tau kolaitorani; ak ki laitoran kenyiisyek taman ak agenge eng' Jerusalem: ak kainetap kamennyi ko ki Hamutal cheptap Jeremiah ne po Libna.

JEREMIA 6:6

Amu kagomwa Kamuktaindet ne Toroor ne po lugoosyek kole, Oluul, oep keetiik ak owasyi ng'ung'unyek Jerusalem, amu niito nganaseet ne kebirei, sastaet ineegei ne mi kwenunnyi.

EZEKIEL 33:21

Ki nyoonjo chiito age ne kiga chilil komong' eng' Jerusalem, ki nyo eng' kenyiit ne po taman ak aeng', kobooch ngap keluulech, eng' arawetap taman, eng' peetuut ne po muut ne po arawanooto, koleenjo, Kagebar nganaseet.

EZEKIEL 4:3

Yeityo icheeng' taabeetap karnet, ak ilumde koek tooteetap karnet eng' kwenung'ung', ak nganaseet: ak itokyi togeng'ung' nganaseet, si kobiit keyiem, ak iyiem inyeendet, ak imuut ineendet. Egu niito kaboorunet eng' kootap Israel.

EZEKIEL 40:1

Ki mi paragunnyu eutap Kamuktaindet ne Toroor eng' kenyiitap tiptem ak muut, kobooch ngap keluulech, eng' taunetap kenyiit, eng' peetuutap taman ne po arawet, eng' kenyiitap taman ak ang'wan kobooch ngap kebar nganaseet ak komutwaa anyo olooto eng' peetuunooto.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.