JEREMIA 38:2 - BUKUIT NE TILIIL Sireet ne Dutero Kanon

² mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

Bukuit Ne Tilil

² mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

BUKUIT NE TILIL

² Mwaei Jehovah ko u ni kole, Inendet ne tebe nganasani, kebarei eng’ rotwetab chok, ak eng’ rubet, ak eng’ koroito: ago inendet ne wendi oldab Kaldeik kosobei ak koek sobennyi ne kiluulei.

JEREMIA 38:2 Referencias Cruzadas

JEREMIA 21:4

Mwaei Kamuktaindet ne Toroor, Kamuktaindetap Israel, kole, ogeero, aweektoi kariigap lugeet che miitei eunekwok, che obaregei ak laitoryatap Babilon, ak Kaldeik che yiemok, eng' saang'utap irimoik, ak ayumji icheek kwenutap nganasani.

JEREMIA 24:8

Ak ko uu kiit ne uu logoechu yaacheen po mogoonik, che ma kimuuchi keam, amu yaacheen miising'; mwaei Kamuktaindet ne Toroor iman kole, ko uu nooto agoitoi Zedekiah laitoryatap Judah, ak pounikyik, ak che ng'etu che po Jerusalem, che ng'etu eng' emoni, ak icheek che menyei emetap Misiri:

JEREMIA 27:11

Ago pororyet ne kase iit laitoryatap Babilon, ak koot ineendet, abagaaktoi pororyonooto kong'et eng' emennywa, mwaei Kamuktaindet ne Toroor; ak kobat emonooto, ak komeny olooto.

JEREMIA 27:13

Amu nee si imee, inyee kobooto piiguk, eng' rotwetap chok, ak eng' rubeet, ak eng' koroito, ko uu ye kogomwa Kamuktaindet ne Toroor agobo pororyet ne ma chamei koot laitoryatap Babilon?

JEREMIA 29:16

Amu mwaei Kamuktaindet ne Toroor ko uu ni agobo laitoryat ne tebee ng'echereetap laitornatet ne po Daudi, ak agobo piik tugul che menyei nganasani, tupchosyekwok che ma kiluul kobootok;

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

JEREMIA 39:18

Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

JEREMIA 42:17

Igeitu nooto eng' piik tugul che tokyingei Misiri kobendi kotebee olooto; pegu eng' rotwetap chok ak eng' rubeet, ak eng' koroito: ak ma mi agot agenge eng' icheek ne ng'etu anan ne chilili eng' yaityet ne aipchini.

JEREMIA 42:22

Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

JEREMIA 44:13

Amu abire icheek che menyei emetap Misiri, ko uu ye ki abir Jerusalem, eng' rotwetap chok, ak eng' rubeet, ak eng' koroito;

JEREMIA 45:5

Ko tos, icheeng'jinigei inyee tuguuk che eecheen? Amecheeng': amu, keero, aipchini yaityet piik tugul, mwaei Kamuktaindet ne Toroor: ago agoonin saboondang'ung' koek luuleneng'ung' eng' komoswek tugul ole iwendi.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 6:11

Mwaei Kiptaiyat Kamuktaindet ne Toroor kole: “Irabaach eng' eung'ung' ak ityech eng' keeldong'ung',” ak ile, pwo amu tuguuk tugul che kiwechei che po kootap Israel: amu parei icheek rotwetap chok, ak rubeet, ak koroito.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.