JEREMIA 36:14 - BUKUIT NE TILIIL Sireet ne Dutero Kanon

¹⁴ Koyookto anyun pounik tugul Jeudi weeriitap Netania, weeriitap Selemya, weeriitap Kusi, kwo ole mi Baruk, koleenji nam eng' eung'ung' bukuit ne kesomanjini piik kogas, ak inyoo. Konam anyun Baruk weeriitap Neriah eng' eunnyi bukuinooto, ak konyo ole mi pichooto.

Bukuit Ne Tilil

¹⁴ Koyookto anyun pounik tugul Jeudi weeriitap Netania, weeriitap Selemya, weeriitap Kusi, kwo ole mi Baruk, koleenji nam eng' eung'ung' bukuit ne kesomanjini piik kogas, ak inyoo. Konam anyun Baruk weeriitap Neriah eng' eunnyi bukuinooto, ak konyo ole mi pichooto.

BUKUIT NE TILIL

¹⁴ Koyokto anyun bounik tugul Jeudi weritab Netania, weritab Selemia, weritab Kusi, kwo ole mi Baruk, kolenji, Nam eng’ eung’ung’ bukuit ne kesomanjini bik kogas, ak inyo. Konam anyun Baruk weritab Neria eng’ eunnyi bukuinoto, ak konyo ole mi bichoto.

JEREMIA 36:14 Referencias Cruzadas

2 LAITORINIK 25:23

Kingo kas kiptainik tugul che po lugoosyek, icheeget ak piikwak, kole kogoyai laitoryatap Babilon Gedalia koek pounindet, kobwa ole mi Gedalia eng' Mispa, chooto ko ki Ishmael weeriitap Netania, Johanan weeriitap Karea, Seraiah weeriitap Tanumet Netopatindet, ak Jaasania weeriitap Maakatindet, kobooto piikwak.

JEREMIA 36:2

nam bukuit ne mamanat, isirchi ng'aleek tugul che koamwaun agobo Israel, ak agobo Judah, ak agobo pororyosyek tugul, kobooch peetuut ne ki ang'alaalun, kobooch peetuusyegap Josiah, agoi peetuuni.

JEREMIA 36:21

Koyookto anyun laitoryat Jeudi kwo koip bukuit: ak ki inem eng' koot ne po oriit ne po Elisama siriindet. Ak kisooman Jeudi kogas laitoryat, ak kogas pounik tugul che kitonondos eng' ole neegitee laitoryat.

JEREMIA 36:4

Ki kuur anyun Jeremiah Baruk weeriitap Neriah; ak kisir Baruk ng'aleek tugul che po Kamuktaindet ne Toroor che kimwaei Jeremiah, che kiga komwachi `Kamuktaindet ne Toroor ineendet, kosirchi bukuit ne mamanat.

JEREMIA 40:8

kobwa anyun kap Gedalia eng' Mispa, icheeget ko, Ishmael weeriitap Netania, ak Johanan ak Jonathan weeriigap Karea, ak Seraiah weeriitap Tanumet, ak weeriigap Epai Netopatindet, ak Jesania weeriitap Maakatindet, icheeget kobooto murenikwak.

JEREMIA 41:16

Komut anyun Johanan weeriitap Karea ak kiptainik tugul che po lugoosyek che ki mi kobooto ineendet, piik tugul che ki ng'et eng' piik che kiga koweech ineendet eng' Ishmael weeriitap Netania, eng' Mispa, ye kingo kagobar Gedalia weeriitap Aikam, piigap lugeet, ak kwonyiik, ak lagok, ak kiptainik che kiga komut kogeny eng' Gibeon:

JEREMIA 41:18

amu Kaldeik: amu ki iywei icheek, amu kiga kobar Ishmael weeriitap Netania, Gedalia weeriitap Aikam, ne ki inde laitoryatap Babilon koek pounindetap emet.

SEPANIA 1:1

Ki nyoonji `ng'olyootap Kamuktaindet ne Toroor Zephaniah weeriitap Kusi, weeriitap Gedalia, weeriitap Amariah, weeriitap Hezekiah, eng' peetuusyegap Josiah weeriitap Ammon, laitoryatap Judah.

MATAYO 10:16

“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.