JEREMIA 35:1 - BUKUIT NE TILIIL Sireet ne Dutero Kanon

¹ Ki nyoonji Jeremiah `ng'olyoot ne ki punu Kamuktaindet ne Toroor eng' peetuusyegap Jehoiakim weeriitap Josiah, laitoryatap Judah, koleenji,

Bukuit Ne Tilil

¹ Ki nyoonji Jeremiah `ng'olyoot ne ki punu Kamuktaindet ne Toroor eng' peetuusyegap Jehoiakim weeriitap Josiah, laitoryatap Judah, koleenji,

BUKUIT NE TILIL

¹ Kinyonji Jeremia ng’olyot ne kibunu Jehovah eng’ betusiekab Jeoiakim weritab Josia, laitoriatab Juda, kolenji,

JEREMIA 35:1 Referencias Cruzadas

2 LAITORINIK 23:34

Ki yai `Pharaoh-neko Eliakim weeriitap Josiah koek laitoryat kogeer Josiah kwandanyi, ak ki wal kainennyi koek Jehoiakim. Ago ki imut Jehoahas koisto ak ki nyo Misiri, ak ki nyo kome eng' olooto.

2 LAITORINIK 23:35

Ki igoochi Jehoiakim fedha ak thahabu Pharaoh, ago ki ng'at emet kogoon fedhaisyek ko uu ng'atuutyetap Pharaoh. Kimage fedha ak thahabu piik che po emet, chii age tugul ko uu ye ki king'at, si kogoochi Pharaoh-neko.

JEREMIA 1:3

Ki nyo kogeny eng' peetuusyegap Jehoiakim weeriitap Josiah, ak agoi kogeskei kenyiitap taman ak agenge ne po Zedekiah weeriitap Josiah laitoryatap Judah, ye ki kiluul Jerusalem kimut eng' arawetap muut.

JEREMIA 25:1

Ki nyoonji ng'olyoot Jeremiah agobo piik tugul che po Judah eng' kenyiit ne po ang'wan ne po Jehoiakim weeriitap Josiah, laitoryatap Judah; kenyiit ne po tai nooto ne po Nebukadresar laitoryatap Babilon;

JEREMIA 26:1

Ki pun ng'olyondoni Kamuktaindet ne Toroor eng' taunetap laitornatetap Jehoiakim weeriitap Josiah, laitoryatap Judah, kole,

JEREMIA 27:20

che ki ma ip Nebukadnezar laitoryatap Babilon, ye kiluulei Jekoniah weeriitap Jehoiakim, laitoryatap Judah, komut eng' Jerusalem kwo Babilon, ak piik tugul che taagunotiin che po Judah ak Jerusalem;

JEREMIA 36:1

Ki nyoonji Jeremiah ng'olyoondoni ne ki punu Kamuktaindet ne Toroor eng' kenyiit ne po ang'wan ne po Jehoiakim weeriitap Josiah, laitoryatap Judah, koleenji

JEREMIA 36:29

Ak imwa agobo Jehoiakim laitoryatap Judah ile, Mwaei Kamuktaindet ne Toroor kole: Ki ibeel bukuinooto, ile, Amu nee si isir, ile, Nyoonei laitoryatap Babilon iman kong'emei emoni, ak kowong' eng' olito chii ak tyony?

JEREMIA 36:9

Ak eng' kenyiit ne po muut ne po Jehoiakim weeriitap Josiah, laitoryatap Judah, eng' arawetap sogool, komwaita piik tugul eng' Jerusalem, kobooto piik tugul che ki punu nganasoogap Judah kobwanei Jerusalem, karugutetapkei eng' taitap Kamuktaindet ne Toroor.

JEREMIA 46:2

Ng'aleegap Misiri: agobo lugeetap Pharaoh-neko laitoryatap Misiri, ne ki mi ole neegitee aineet Yufrets eng' Karkemish, ne ki par Nebukadresar laitoryatap Babilon eng' kenyiitap ang'wan ne po Jehoiakim weeriitap Josiah, laitoryatap Judah.