JEREMIA 33:9 - BUKUIT NE TILIIL Sireet ne Dutero Kanon

⁹ Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

Bukuit Ne Tilil

⁹ Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

BUKUIT NE TILIL

⁹ Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JEREMIA 33:9 Referencias Cruzadas

2 ATEPTAP PEETUUSYEK 20:29

Ki nam kaiyweisyet ne iywei Kamuktaindet laitornatosyek tugul che po emotinwek, ye kingo kas kole ki par Kamuktaindet ne Toroor puunigap Israel.

NEEMIA 6:16

Kingo kas puunikyok tugul, koiyweis pororyosyek tugul che kigayiemech ak kosaskei amu ki nai kole poisyoni kogiyaei Kamuktaindennyo.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 40:3

Kagonde kutinnyu tyendo ne leel, nooto kalasunet eng' Kamuktaindennyo. Keerei che chaang' ak koywei, ak komang' Kamuktaindet ne Toroor.

ISAIAH 43:21

piik che ki ayachigei, si kobiit kobarta kalasunennyu.

ISAIAH 55:13

Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

ISAIAH 60:5

Igeer anyun ak kikwenyin, ak kobotan muguleldang'ung' ak ki paraa; amu pwonjinin chaang'indap nyanjosyek, pwonjinin mogornatosyegap pororyosyek.

ISAIAH 62:1

Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

ISAIAH 62:4

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

ISAIAH 62:7

amogoochini ineendet komuuny, agoi kogimit Jerusalem ak koyai koek kalasunet eng' ng'wony.

ISAIAH 64:2

ko uu ye peelei maat sigorik, ak ko uu ye iguuti maat peek: si kibarta kaineng'ung' konaak eng' puuniguk, si kobotanso pororyosyek eng' taing'ung'!

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 24:6

Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 29:1

Chu ng'aleegap parweet ne ki iyookto maotyot Jeremiah eng' Jerusalem, koyookyi poisyek che ki ng'et eng' che kiga kiluul, ak tisiik, ak maotik, ak piik tugul, che kiga luul Nebukadnezar eng' Jerusalem koba Babilon,

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

JEREMIA 31:14

Ak abae akwaindo saboonwegap tisiik kobiyong'so, ak kobiyo piikyuk myeeindonyu, mwaei Kamuktaindet ne Toroor.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 32:42

Amu mwaei Kamuktaindet ne Toroor kole: Ko uu ye ki aipchi pichu yaityoni oo tugul, aipchini ko uu nooto myeeindo tugul ne ki arorchi icheek.

JEREMIA 33:14

Ogeero, pwoonei peetuusyek mwaei Kamuktaindet ne Toroor, ye ayae ng'olyoondonooto myee ne ki amwa agobo kootap Israel ak agobo kootap Judah.

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 49:25

Katepto ano si ma kimeto nganaseetap kalasunet, nganaseetap poiboiyennyu!

EZEKIEL 26:20

achoorten anyun kobooto icheek che choorchingei keriinget, ole mi piik che po keny, ak agoonin imeny ng'wony oriit, eng' komoswek che ki koek surkwen kobooch keny, kobooto icheek che choorchingei keriinget, si ma ki menyin; ak ande toroornatet emetap piik che saptos:

EZEKIEL 36:35

Ak tuun mwaei kole, kaigei emoni kiga koguber, mbareetap Eden; ak kageng'ot ak kemeny nganasook che kiga koek karatwek, ak koguber, ak kong'emak.

EZEKIEL 39:13

Ee, tubei piik tugul che po emet icheek; ak koek kiit ne tagunoot eng' icheek, eng' peetuut ne tuun kitoroora, mwaei Kiptaiyat Kamuktaindet ne Toroor.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

SEKARIA 1:17

Itechi kogeny ileenji, “Mwaei Kamuktaindet ne Toroor ne po lugoosyek kole: ‘Kibaroi nganasookyuk eng' kaberuret; ak ta kogoigoi Kamuktaindet ne Toroor Zion ak ta koleweni Jerusalem.’ ”

SEKARIA 12:2

Mwaei Kamuktaindet ne Toroor, ne iitoi kipsengwet, ak kolumei lumeiywotap ng'wony, ak koyaei muguleldap chii eng' oriitap chiichooto, ko uu ni kole: Ogeero, ayae Jerusalem koek kigombet ne po terteryotet eng' piik tugul che mi komoswekyik tugul, egu ko uu nooto eng' Judah agine eng' peetuusyek che kiyiemei Jerusalem.

NG'ATUTIK 30:5

Imutyin `Kamuktaindet ne Toroor Kamuktaindeng'ung' emet ne ki po kwanisyeguk si kobunjiin ak koyaun ne myee, kotesin ichaang'itu isiir kwanisyeguk.