JEREMIA 33:7 - BUKUIT NE TILIIL Sireet ne Dutero Kanon

⁷ Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

Bukuit Ne Tilil

⁷ Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

BUKUIT NE TILIL

⁷ Ak agochi Juda ak Israel koweek eng’ ole kiga kiluulji, ak ateech ichek ko u eng’ tai.

JEREMIA 33:7 Referencias Cruzadas

TIENWOGIKAL 126:1

Ye kiweekta Kamuktaindet ne Toroor che kigeluul che po Zion, ko ki kiige che irwotitoi.

TIENWOGIKAL 126:4

Iweech chechook che kigeluul, ee Kamuktaindet ne Toroor, ko uu ainoosyek che po murot tai.

TIENWOGIKAL 14:7

Kita myee nda kiga pun yetunetap Israel Zion! Ye tuun iweechi `Kamuktaindet ne Toroor piikyik che ki kiluul, kogaskei anyun Jakobo ak koboiboitu Israel.

TIENWOGIKAL 85:1

Ki iriree emeng'ung', inyee Kamuktaindet ne Toroor; ki iweegu Jakobo konyo eng' ole kiga luul ineendet.

ISAIAH 1:26

Aweegu kirwoogiguk ko uu eng' tai, ak aweegu kotigoniguk ko uu eng' tai. Ye ibata nooto keguurenen Nganaseetap Imanda, nganaseet ne kiyani.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 24:6

Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:20

Ak koigei lagokwak atkinye tai, ak kogimit tuiyennywa eng' tainnyu, ak abir tugul che usei icheek.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 31:28

Ak ko uu ye ki ariip icheek si kobiit atut ak agabui ak ang'em, ak anyaliil, ariibe anyun icheek ko uu nooto si kobiit ateech ak amin, mwaei Kamuktaindet ne Toroor.

JEREMIA 31:38

Ogeero, pwoonei peetuusyek, mwaei Kamuktaindet ne Toroor, che tuun kiteekyine Kamuktaindet ne Toroor nganaseet kobooch teekseet ne kooi ne po Hanael agoi ormariichetap luuita.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 32:44

Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

JEREMIA 42:10

Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

JEREMIA 50:4

Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

RIREKAB JEREMIA 4:22

Piretap tengektong'ung', ee cheptap Zion ko kagosulda; ma komutin kogeny keluulin: ago tengektong'ung', ee cheptap Edom, ko iityin ineendet pireet, ng'aanyei tengekwogiguk kotook.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 2:15

Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

SEKARIA 1:17

Itechi kogeny ileenji, “Mwaei Kamuktaindet ne Toroor ne po lugoosyek kole: ‘Kibaroi nganasookyuk eng' kaberuret; ak ta kogoigoi Kamuktaindet ne Toroor Zion ak ta koleweni Jerusalem.’ ”