JEREMIA 33:11 - BUKUIT NE TILIIL Sireet ne Dutero Kanon

¹¹ kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

Bukuit Ne Tilil

¹¹ kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

BUKUIT NE TILIL

¹¹ kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.

JEREMIA 33:11 Referencias Cruzadas

1 ATEPTAP PEETUUSYEK 16:34

Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

1 ATEPTAP PEETUUSYEK 16:8

Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik tugul.

2 ATEPTAP PEETUUSYEK 20:21

Kingo kagong'alaal ak piik, kolewen che tyenjin Kamuktaindet ne Toroor, ak kolasu ineendet eng' karaaranindap tiliilindo, komandoi kondoe lugeet, koleen, “Oweekyi Kamuktaindet ne Toroor kongoi, amu po koigeny rireenennyi.”

2 ATEPTAP PEETUUSYEK 29:31

Yeityo kowol Hezekiah kole, “Amu kaotabaanjigei Kamuktaindet ne Toroor, oriigu oibu tiseiywek ak kagoochinoigap kongoi kobwa kootap Kamuktaindet ne Toroor.” Ki ip tuiyet tiseiywek ak kagoochinoigap kongoi; ak tugul che ki chamei eng' mugulelwekwak ko ki ip kagoochinoik che kibeelei.

2 ATEPTAP PEETUUSYEK 5:13

Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

2 ATEPTAP PEETUUSYEK 7:3

Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

EZRAH 6:22

Kiboiboitu eng' poiboiyet ne oo, koboiboenji igoorto ne po magatiinik che ma kinde mermereek peetuusyek tisap, amu ki igoochi `Kamuktaindet ne Toroor icheek koboiboitu ak ki wal muguleldap laitoryatap Assyria kotokyigei icheek si kogimit icheek eng' poisyetap kootap Kamuktaindet, Kamuktaindetap Israel.

NEEMIA 12:43

Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

NEEMIA 8:12

Ki pa piik tugul koamis, koeiso ak koyookto kebeberwek ak koboiboitu miising' amu kiga koguiyo ng'aleek che kiga kimwachi icheek.

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 107:1

Oweekyi Kamuktaindet ne Toroor kongoi; amu myee ineendet: Amu tebyei rireenennyi koigeny.

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 116:17

Agoonin korosyot ne po kongoi, ak aguur kainetap Kamuktaindet ne Toroor.

TIENWOGIKAL 147:13

Amu igimiti `inee temeleiywegap ormariichoguk; iberuuri lagoguk eng' kwenung'ung'.

TIENWOGIKAL 85:7

Ee Kamuktaindet ne Toroor, iboorwech rireeneng'ung', ak igoonech yetuneng'ung'.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

JEREMIA 16:9

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ogeero, agoochini kosiis eng' taing'wong', ak eng' peetuusyekwok, tuugeetap poiboiyet ak ne po kagasetapkei, ne po sandet ak ne po murereet, eng' olito.

JEREMIA 17:26

Ak kobwa kobunu nganasoogap Judah, ak komoswek che kiyiem Jerusalem, ak che punu emetap Benjamin, ak emet ne soi, ak che punu tuloonook, ak che punu murot tai, koibu kagoochinoik che kibeelei, ak tiseiywek, ak kagoochinoigap peek che ng'ootiin, ak tuguuk che nyamdut, ak koibu korosegap kongoi, kobwa kootap Kamuktaindet ne Toroor.

JEREMIA 25:10

Ak aistoe icheek anyun tuugeetap poiboiyet, ak ne po kaagaasetapkei, ne po sandet ak ne po murereet, kobooto cheetap koitap pai, ak lapkeiyetap tait.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 32:44

Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

JEREMIA 7:34

Agoochini anyun kosiis tuugeetap poiboiyet ak ne po kagasetapkei, ne po sandet ak ne po murereet, eng' nganasoogap Judah ak ortinwegap Jerusalem, amu egu emet karaatya.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

JONAH 2:9

Ago kobooto mwaetap kongoi aeng'un tiseiywot; che ki aaroorun ayaagun. Po `Kamuktaindet ne Toroor yetunet!”

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

SEPANIA 3:14

Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

SEKARIA 10:7

Ak koigei icheek che po Ephraim chiito ne nyigan, ak koboiboitu mugulelwekwak ko uu che kaei divaik: ee, keerei lagokwok nooto, ak koboiboitu; igasegei mugulelwekwak eng' Kamuktaindet ne Toroor.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

JOHANA 3:29

Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

NG'ANG'UTYET 18:23

ama kokweng'sei lapkeiyetap tait eng' inyee kogeny agoi; ama kegasei kutitap sandet ak murereet eng' inyee kogeny agoi; amu ki piik che eecheen che po ng'wony chemung'arainiguk; amu ki kiberber pororyosyek tugul eng' panisyeng'ung'.”