JEREMIA 32:29 - BUKUIT NE TILIIL Sireet ne Dutero Kanon

²⁹ ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

Bukuit Ne Tilil

²⁹ ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

BUKUIT NE TILIL

²⁹ ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

JEREMIA 32:29 Referencias Cruzadas

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

NEEMIA 8:16

Ki pa anyun piik, koip tuguuchooto ak koteekyinegei keryosyek, ki teech chii age tugul paragutap koonnyi, eng' seremusyekwak, eng' seremusyegap kootap Kamuktaindet, eng' komosta ne paraa eng' ormariichetap peek ak eng' komosta ne paraa eng' ormariichetap Ephraim.

ISAIAH 22:1

Maonateet agobo atebweetap ng'ang'utyet. Amin nee anyun, kot itogoste kooriik parak?

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 19:13

ak kogergeit kooriigap Jerusalem, ak kooriigap laitorinigap Judah, che ki king'wanit, ak komostap Topet, kooriik tuguuk che kibeelee icheek paragunnywa nyamdutik kobeeljine tuguuk tugul che po kipsengwet, ak ki koroong'ji kagoochinoik che kieei, kanamonik che teer.

JEREMIA 21:10

Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 34:2

Mwaei Kamuktaindet ne Toroor, Kamuktaindetap Israel kole ui ing'alaalji Zedekiah laitoryatap Judah ileenji, mwaei Kamuktaindet ne Toroor kole, Keero, agoochini nganasani eutap laitoryatap Babilon, ak kobeel eng' maat:

JEREMIA 39:8

Ak ki peel Kaldeik kootap laitoryat, ak kooriigap piik, ak kobut irimoigap Jerusalem.

JEREMIA 44:25

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ki omwa eng' kutusweekwok, okweek kobooto osotikwok, ak oyai kosulda, eng' eunekwok, oleen, Kiyae iman kaarorunosyek che ki kiaroru, kebeelji nyamdutik laitoryatap kipsengwet ne kwondo, ak keroong'ji kagoochinoik che kieei: ogimiit anyun kaarorunosyekwok, ak oyai kaarorunosyekwok.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

JEREMIA 7:17

Tos megeere tuguuk che yaei eng' nganasoogap Judah ak eng' ortinwegap Jerusalem?

JEREMIA 7:18

Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 23:47

Ak kolach tuiyet icheek eng' koik, ak kobar eng' rotonikwak che po chok; ak kobar weeriikwak ak tiibiikwak, ak kobeel kooriikwak.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.

POISYONIGAP CHE KIYOKTOI 10:9

Eng' peetuut ne ki isubi ye kita kobendi, ko kariikta nganaseet, kotogosta Petero koot parak, eng' olo po sait lo, kwo kosa.

HEBRANIK 3:16

Amu ng'oo che kitagis ye kingo kas? Tos ma icheek tugul che ki mang'une Misiri eng' Musa?