JEREMIA 31:7 - BUKUIT NE TILIIL Sireet ne Dutero Kanon

⁷ Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

Bukuit Ne Tilil

⁷ Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

BUKUIT NE TILIL

⁷ Amu mwaei Jehovah ko u ni kole, Otienji Jakobo eng’ kagasetab ge, ak owaach agobo ne o eng’ bororiosiek: omwaite, olosu ole, Ee Jehovah, soru biguk, che king’et che bo Israel.

JEREMIA 31:7 Referencias Cruzadas

TIENWOGIKAL 106:47

Sarwech, ee Kamuktaindet ne Toroor, Kamuktaindennyo, ak iyumech, kemang'une pororyosyek, si kobiit keeweekyi kongoi kaineng'ung' ne tiliil, ak kilasuge eng' kalasuneng'ung'.

TIENWOGIKAL 126:2

Konyi anyun roryot kutusweekyok, ak ki nyi ng'elyebwekyok tyenwogik; komwa anyun pororyosyek kole, kogoyachi Kamuktaindet ne Toroor tuguuk che eecheen.

TIENWOGIKAL 14:7

Kita myee nda kiga pun yetunetap Israel Zion! Ye tuun iweechi `Kamuktaindet ne Toroor piikyik che ki kiluul, kogaskei anyun Jakobo ak koboiboitu Israel.

TIENWOGIKAL 28:9

Saru piiguk, ak iberuur poroteng'ung'; pai icheek, ak imutate agoi koigeny.

TIENWOGIKAL 67:1

Ingorirenech Kamuktaindet, ak koberuurech, ak kotokyech togeennyi kokwenyech;

TIENWOGIKAL 69:35

Amu saru Kamuktaindet Zion, ak koteech nganasoogap Judah; Ak komeny icheek olooto, kobunji.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 37:31

Ak piitos kogeny kobendi ng'wony tigitigap che ng'etu che chilildos che po kootap Judah, ak koiiyo logoek eng' parak.

ISAIAH 37:4

Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

ISAIAH 61:9

Ak konaak iyotennywa eng' pororyosyek, ak konaak lagokwak eng' piik: ak naei piik tugul icheek ye keer, kole, chu iyoteet ne ki koberuur Kamuktaindet ne Toroor.

JEREMIA 20:13

Otyenji Kamuktaindet ne Toroor, olasu Kamuktaindet ne Toroor amu kigosar saboondap ne ma tinyei kiy eng' eunegap yaigap yaityet.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 3:23

Iman, kigeni puch toreteet ne punu tuloonook, nooto wasetapkei ne mi tuloonook. Iman eng' Kamuktaindet ne Toroor Kamuktaindennyo komi yetunetap Israel.

JEREMIA 31:12

Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

MIKAH 2:12

Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

ROMANIK 11:5

Agot ko uu nooto anyun agine eng' peetuusyechu, miitei che ng'etunotiin ko uu lewenet ne po myeeindo.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

NG'ATUTIK 28:13

Yain Kamuktaindet ne Toroor iegu metit ago meegu katutyet ak iegu ne mi parak kityo ago meegu ne mi ng'wony, ngiepchi iit ng'atuutigap Kamuktaindet ne Toroor Kamuktaindeng'ung' che ang'atiin rani, iriip ak iyai,

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”