JEREMIA 31:12 - BUKUIT NE TILIIL Sireet ne Dutero Kanon

¹² Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

Bukuit Ne Tilil

¹² Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

BUKUIT NE TILIL

¹² Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

JEREMIA 31:12 Referencias Cruzadas

TIENWOGIKAL 130:4

Ago miitei nyoetap kaat eng' inyee, si kobiit kiywein.

ISAIAH 1:30

Amu oigeitu keetit ne yaamdos sogekyik, ak mbareet ne ma tinyei peek.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 60:20

Ma kororoktoi asiistang'ung', ama komeei araweng'ung': amu egu Kamuktaindet ne Toroor lapkeiyeng'ung' ne po koigeny, ak kogeskei peetuusyegap riireguk.

ISAIAH 65:19

Ak abaibaitune Jerusalem, abaibaitune piikyuk: ama kegasei ne riirei eng' nganasanooto, anan tuugeet ne po riirek.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 31:24

Ak komeny olooto Judah ak nganasookyik tugul; kobooto kabotik, ak icheek che iyagoti akwotisyegap keechiirek.

JEREMIA 31:25

Amu kaabai kobiyo saboondo ne ng'etat, ak kaanyiit saboondo age tugul ne arageni.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 31:7

Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

JEREMIA 32:15

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta kealei kogeny kooriik ak mbareenik ak mbareenigap sabibuk eng' emoni.

JEREMIA 33:12

Mwaei Kamuktaindet ne Toroor ne po lugoosyek kole: Ta kobiitu kogeny eng' olito ole karaatya, ama mi chii, ama mi tyony, ak eng' nganasookyik tugul, meng'ootetap mestoweek ak ole kerchin akwotisyek che po keechiirek.

JEREMIA 33:13

Punei kogeny akwotisyegap keechiirek taitap ineendet ne iiti eng' nganasook che po emetap tuloonook, ak eng' nganasoogap soi, ak eng' nganasook che po murot tai, ak eng' emet ne po Benjamin, ak eng' komoswek ole neegitee Jerusalem, ak eng' nganasoogap Judah, mwaei Kamuktaindet ne Toroor.

EZEKIEL 17:23

Aminjini tulweet ne kooi ne po Israel: ak kowakta, ak kooi logoek, ak koek tarakwet ne myee: ak komeny kelunnyi toriitik alak tugul che tirirendos; menyei toriitichooto urwetap mooriikyik.

EZEKIEL 20:40

Amu tuun ota koot komugul ne po Israel eng' tulweennyu ne tiliil, eng' tulweet ne kooi ne po Israel, ota icheek tugul eng' emet, mwaei Kiptaiyat Kamuktaindet ne Toroor: ataache icheek eng' olooto, ak amagenak eng' olooto kagoochinoikwok, ak tongoanigap kagoochinoikwok, kobooto tuguukwok tugul che tiliileen.

EZEKIEL 34:14

Ayage icheek ole mi susweek che myach, ak kotebee piunywa tuloonoogap komoswek che torooreen che po Israel: ruitos eng' olooto eng' piut ne myee, ak koagete ole pitat eng' tuloonoogap Israel.

EZEKIEL 36:30

Ak ates iyoteetap logoek, ak ruroteetap mbareet, si mata kochotak pororyosyek amu rubeet.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

JOHANA 16:22

Nooto anyun otinye arageneet nguno: ago ta ageerok kogeny, ak poiboi mugulelwekwok, ama rebenok chii poiboiyeng'wong'.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

NG'ANG'UTYET 21:4

ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”