JEREMIA 30:16 - BUKUIT NE TILIIL Sireet ne Dutero Kanon

¹⁶ Ki amei anyun icheek tugul che amin; kiluulei puuniguk tugul, wendi age tugul luuleet; ak kiluulei icheek tugul che luulin, ak agoitoi kebar icheek che cheeng'ei kobarin.

Bukuit Ne Tilil

¹⁶ Ki amei anyun icheek tugul che amin; kiluulei puuniguk tugul, wendi age tugul luuleet; ak kiluulei icheek tugul che luulin, ak agoitoi kebar icheek che cheeng'ei kobarin.

BUKUIT NE TILIL

¹⁶ Kiamei anyun ichek tugul che amin; kiluulei buniguk tugul, wendi age tugul luulet; ak kiluulei ichek tugul che luulin, ak agoitoi kebar ichek che cheng’ei kobarin.

JEREMIA 30:16 Referencias Cruzadas

TIENWOGIKAL 129:5

Ingolilanso ak koweekyigei let, icheek tugul che wechei Zion.

KOMONG'U 23:22

Ago ngigas iit ng'aleekyik, ak iyai tugul che amwaun, aegu anyun puunyootap puuniguk, ak aegu usiindetap che usin.

KALEWANAIK 22:23

Amu ng'alaaldochin `Kamuktaindet ne Toroor icheek, ak koluul saboonwegap icheek che luulei.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 33:1

Pwo eng' inyee ne ing'emisyei, ama king'emin; ak ne iberberisyei, ama iberberin icheek! Ye ma ing'emisyei, keng'emin, ak ye ma iberberisyei, koberberin icheek.

ISAIAH 54:15

Keero, ngot kong'eet chii pooryeet, koma punwa: ibuti age tugul ne ing'eetyinin pooryeet.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

JEREMIA 25:12

Ak ye kagobata kenyiisyek tamanwogik tisabu, abir anyun laitoryatap Babilon, ak pororyonooto, mwaei Kamuktaindet ne Toroor, amu yaityennywa, ak emetap Kaldeik; ak ayai koek karaatya agoi.

JEREMIA 30:15

Amu nee si iriir eng' kaguoteneng'ung'? Ma inyaaksei ng'wanindang'ung'. Koayaun anyun tuguuchuuto, amu ooindap yaityeng'ung', ak amu kitesagis tengekwogiguk.

JEREMIA 50:28

Kutitap icheek che mweei ak kochililyo komong' eng' emetap Babilon, si kobiit ki parta eng' Zion yaaktaetap mugetuut ne po Kamuktaindet ne Toroor, Kamuktaindennyo, yaaktaetap mugetuut ne po hekalunnyi.

JEREMIA 8:16

Kigasei eng' Dan waagaatap seruunegap paraisisyekyik. Potani emet komugul amu cheetap kateetap chechiik che kiimeen, amu kagobwa ak kagoam emet kobooto tuguuk tugul che kami, nganaseet kobooto che menyei oriit.

RIREKAB JEREMIA 1:21

Ki kogas icheek ole atigendoi; ma mi chii ne igoigoa. Ki kogas puunikyuk tugul agobo nyalildanyu; poiboi icheek amu ki iyai ko uu nooto. Tuun iibu peetuut ne ki imwaite, si kegergeitu ak icheek.

RIREKAB JEREMIA 1:22

Ingobwa taing'ung' yaitwogikwak tugul; ak iyachi icheek, ko uu ye ki iyaiywo agobo pistaosyekyuk tugul. Amu chaang' tigenoikyuk, ak tanui muguleldanyu.

EZEKIEL 29:6

Ak konai piik tugul che menyei Misiri kole aa Kamuktaindet ne Toroor, amu ki ek icheeget kirokto ne po tegat eng' kootap Israel.

EZEKIEL 35:5

Amu itinye puunyoondit ne po kotugul, ak ki igoite piigap Israel kebar eng' kimnateetap rotwetap chok eng' peetuutap nyalildanywa, eng' peetuusyegap yaityet ne po let:

JOEL 3:8

ak aalde weeriikwok ak tiibiikwok koba eutap lagogap Judah, ak koaldochi icheek piigap Sabe, pororyet ne loo: amu kagomwa Kamuktaindet ne Toroor ng'olyoondoniito.

MIKAH 4:11

Kagoyumjingei anyun pororyosyek che chaang' che leen, Ingong'wanit, ak ongetang'aang'ji Zion.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

NAHUM 1:8

Ak eng' maraneet ne oo, ko igeesu komosato, ak koon puunikyik koba mesundeito.

HABAKUK 2:16

Kanyiin teweernateet ne kata toroornatet: ee aginye, si iige ne ma kimuratan: kiweekyinin kigombetap eutap tai ne po Kamuktaindet ne Toroor, ak kotebee teweernateet ne samis toroornateng'ung'.

SEPANIA 2:8

Ki agas chotisyetap Moab, ak churisyosyegap lagogap Ammon, che kichote piikyuk, ak kochaunegei kiwotennywa.

SEKARIA 1:14

Ki leenjo anyun malaikaiyandanooto ki ng'alaalwo: “Ititenji ileenji, Mwaei Kamuktaindet ne Toroor ne po lugoosyek kole; ‘Ama ng'etkong' agobo Jerusalem ak agobo Zion eng' ng'etkonda ne oo.

SEKARIA 1:15

Ak anereechi miising' agobo pororyosyek che kalyandos; amu ye kita anereechi kitigin, kotes icheeget yaityet.

SEKARIA 12:2

Mwaei Kamuktaindet ne Toroor, ne iitoi kipsengwet, ak kolumei lumeiywotap ng'wony, ak koyaei muguleldap chii eng' oriitap chiichooto, ko uu ni kole: Ogeero, ayae Jerusalem koek kigombet ne po terteryotet eng' piik tugul che mi komoswekyik tugul, egu ko uu nooto eng' Judah agine eng' peetuusyek che kiyiemei Jerusalem.

SEKARIA 14:2

Amu tuun ayumi pororyosyek tugul kobookyi Jerusalem kobargei; ak kenam nganaseet ak keluul kooriik, ak kesuup kwonyiik: ak kimut kebebertap nganaseet koek luulenik, ama ki parei piik che kang'et eng' nganaseet.

SEKARIA 2:12

Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

SEKARIA 2:8

Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi.

NG'ATUTIK 30:7

Indoi `Kamuktaindet ne Toroor Kamuktaindeng'ung' chubisyosyechu tugul puuniguk ak eng' icheek che wechin che kiusin.

NG'ANG'UTYET 13:10

Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.

1 SAMUEL 17:53

Kingo week piigap Israel eng' oneet ne ki oonei Philistiik, konyaban nganasennywa.