JEREMIA 29:13 - BUKUIT NE TILIIL Sireet ne Dutero Kanon

¹³ Ak ocheeng'a, ak onyoorwo, ye ocheeng'a eng' mugulelwekwok tugul.

Bukuit Ne Tilil

¹³ Ak ocheeng'a, ak onyoorwo, ye ocheeng'a eng' mugulelwekwok tugul.

BUKUIT NE TILIL

¹³ Ak ocheng’a, ak onyorua, ye ocheng’a eng’ mugulelwekwok tugul.

JEREMIA 29:13 Referencias Cruzadas

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

1 ATEPTAP PEETUUSYEK 22:19

Ara anyun, ochop mugulelwekwok ak saboonwekwok, ocheeng' Kamuktaindet ne Toroor Kamuktaindeng'wong'. Ong'eetyee anyun, oteech ole-tiliil ne po Kamuktaindet ne Toroor Kamuktaindeng'wong', si oibu moingetap arorutyetap Kamuktaindet ne Toroor ak tuguuk che tiliileen che po Kamuktaindet, kobwa koot ne kiteekyin kainetap Kamuktaindet ne Toroor.”

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 22:9

Ki cheeng' Ahasia, ak ki nam ineendet ye ki ung'egei eng' Samaria. Ki kimutyi Jehu ak ki par ineendet. Kitup `icheek ineendet, amu ki le “Ineendet ko weeriitap Jehoshaphat, ne ki cheeng' Kamuktaindet ne Toroor eng' muguleldanyi tugul.” Ak ma sich kootap Ahasia kimnateet konam laitornatet.

2 ATEPTAP PEETUUSYEK 31:21

Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

TIENWOGIKAL 119:10

Ki acheeng'in eng' muguleldanyu tugul; amegoono alooitune ng'atuutiguk.

TIENWOGIKAL 119:145

Ki aguurse eng' muguleldanyu komugul; wolwo, ee Kamuktaindet ne Toroor; ariibe ng'atuutiguk.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 119:58

Ki ariirchi chamyeng'ung' eng' muguleldanyu komugul; rirena ko uu ng'olyoondeng'ung'.

TIENWOGIKAL 119:69

Kogochop menotik lembechek agobo anee, ariibe kaneetisyosyeguk eng' muguleldanyu komugul.

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 32:6

Ara anyun, ingosain chii age tugul ne tiliil ye ta komuuchi konyoorun. Iman ye kagong'irtagei peek che po kirwooget, koma itei ole mi ineendet.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

ISAIAH 45:19

Tom ang'alaal eng' ung'oot, eng' komostap emet ne po mesundeito; ma aleenji iyoteetap Jakobo, Ocheeng'a puch; amwae anee Kamuktaindet ne Toroor imanda, amwae tuguuk che litit.

ISAIAH 65:10

Ak koek Saron piutap akwotisyegap keechiirek, ak koek atebweetap Akor ole ruiye akwotisyek, amu piikyuk che ki kocheeng'a.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 50:4

Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

HOSEA 5:15

Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

MATAYO 7:7

Osoom si kegoonok; ocheeng' si onyooru; ogonygony si keyatwok.

POISYONIGAP CHE KIYOKTOI 8:36

Ye kingo ta kobendi eng' ooreet, koit ye mi peek, kole chiichooto, “Keer peek o; nee ne kera si ma kibatisana?”