JEREMIA 27:6 - BUKUIT NE TILIIL Sireet ne Dutero Kanon

⁶ Kaagoochi anyun emotinwechuuto tugul Nebukadnezar laitoryatap Babilon, otwogindennyu, kaagoochi ineendet tyong'igap timiin koot ineendet.

Bukuit Ne Tilil

⁶ Kaagoochi anyun emotinwechuuto tugul Nebukadnezar laitoryatap Babilon, otwogindennyu, kaagoochi ineendet tyong'igap timiin koot ineendet.

BUKUIT NE TILIL

⁶ Kaagochi anyun emotinwechuto tugul Nebukadnesar laitoriatab Babulon, otwogindennyu, kaagochi inendet tiong’ikab timin koot inendet.

JEREMIA 27:6 Referencias Cruzadas

2 LAITORINIK 25:28

Ki ng'alaalji ineendet eng' rireenetapkei ak kieet ineendet kotororit kosiir laitorinik che ki mi kobooto ineendet eng' Babilon.

2 ATEPTAP PEETUUSYEK 36:23

kamwa ko uu ni Cyrus laitoryatap Persia, kole, “Ki koono Kamuktaindet ne Toroor, Kamuktaindetap kipsengwet, laitornatosyek tugul che po ng'wony; ak king'ata ateekyi koot eng' Jerusalem, ne mi Judah. Ingotogosta age tugul eng' okweek che oo po piikyik tugul, ak ingotep Kamuktaindet ne Toroor Kamuktaindennyi kobooto chiichooto.”

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 22:25

ak andein eunegap icheeget che cheeng'ei saboondang'ung', ak eunegap icheek che iywei, eutap Nebukadresar laitoryatap Babilon, ak eutap Kaldeik.

JEREMIA 24:1

Ki iboorwo Kamuktaindet ne Toroor kitongok aeng' che po logoegap mogoonik che ki kinde taitap Hekaluutap Kamuktaindet ne Toroor; kingo kagoluul Nebukadresar laitoryatap Babilon, Jekoniah weeriitap Jehoiakim, laitoryatap Judah, kobooto pounigap Judah, kobooto musogik ak kitang'ik, kobunu Jerusalem, koba Babilon.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 28:14

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Kande chogitap karnet kaatwegap pororyosyechu tugul, si kobiit koot Nebukadnezar laitoryatap Babilon; ak otei ineendet: ak kaagoochi ineendet tyong'igap timiin ak icheek.

JEREMIA 43:10

ak ileenji icheek, Mwaei Kamuktaindet ne Toroor ne po lugoosyek, Kamuktaindetap Israel, kole: Ogeero, ayooktoi kimut Nebukadresar laitoryatap Babilon, otwogindennyu, ak ande ng'echerennyi ne po laitornatet paragutap koichu kaauny; ak koiitae paragutap koichooto emainnyi ne po laitornatet.

JEREMIA 49:30

Omwei, oombenote oba ole loo, oung'egei ole ma taagu, ee okweek che omenye Hasor, mwaei Kamuktaindet ne Toroor; amu kairwooch Nebukadresar laitoryatap Babilon agobo okweek, ak kagobwaat ng'olyoot agobo okweek.

EZEKIEL 29:12

Ak ayai emetap Misiri koguber eng' kwenutap emotinwek che kuberotin, ak koek nganasookyik karatwek kenyiisyek artam eng' kwenutap nganasook che karatwek: ak aseer Misiriik koba pororyosyek, ak aiyestochi emotinwek.

EZEKIEL 30:24

Ak agimiit eunegap laitoryatap Babilon, ak agoochi ineendet rotwennyu po chok: ago airie eunegap Pharaoh, ak kotigen eng' tainnyi eng' tigenoik che uu che po chiito ne kagiguoten ne po meet.