JEREMIA 27:18 - BUKUIT NE TILIIL Sireet ne Dutero Kanon

¹⁸ Ago ngot ko maotik icheeget, ak ngot komi ng'olyootap Kamuktaindet ne Toroor eng' icheek, ingosa anyun Kamuktaindet ne Toroor ne po lugoosyek, si ma ki ip tereenik che ki ng'et eng' kootap Kamuktaindet ne Toroor, ak eng' kootap laitoryatap Judah, ak eng' Jerusalem, koba Babilon.

Bukuit Ne Tilil

¹⁸ Ago ngot ko maotik icheeget, ak ngot komi ng'olyootap Kamuktaindet ne Toroor eng' icheek, ingosa anyun Kamuktaindet ne Toroor ne po lugoosyek, si ma ki ip tereenik che ki ng'et eng' kootap Kamuktaindet ne Toroor, ak eng' kootap laitoryatap Judah, ak eng' Jerusalem, koba Babilon.

BUKUIT NE TILIL

¹⁸ Ago ngot ko maotik icheget, ak ngot komi ng’olyotab Jehovah eng’ ichek, ingosa anyun Jehovah ne bo lugosiek, si ma kiib terenik che king’et eng’ gotab Jehovah, ak eng’ gotab laitoriatab Juda, ak eng’ Jerusalem, koba Babulon.

JEREMIA 27:18 Referencias Cruzadas

TAUNET 20:17

Ki sa anyun `Abraham Kamuktaindet, ak ki isoop `Kamuktaindet Abimelek, ak kwondonyi, ak chebaigeinikyik, ak ki sich lagok.

1 LAITORINIK 18:24

Yeityo oguur kainetap kanamweng'wong', ak aguur agine kainetap Kamuktaindet ne Toroor. Ak Kamuktaindet ne wolu eng' maat, koek nooto Kamuktaindet.” Ak ki wol piik tugul kole, “Kemwa ne myee.”

1 LAITORINIK 18:26

Ara ki nam kirgit ne kiga kigoochi ak koeny, ak koguur kainetap Baal kong'etee karon kot koit peet kween, koleen, “Ee Baal, kaseech!” Ago ki ma piit tweguuno, anan kobiit waluuno age tugul. Ak ki toroombenso komuut kapkorosuut ne kiga kiyai.

2 ATEPTAP PEETUUSYEK 32:20

Ki sa Laitoryat Hezekiah ak maotyot Isaiah weeriitap Amos koriirchi kipsengwet agobo niito.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 18:20

Tos kiyaaktoi yaityet eng' kiit ne myee? Amu kogobalji keriinget saboondanyu. Ibwaat ole ki atononde eng' taing'ung' ak ang'alaal che myach agobo icheek, si kobiit aisto nereegeguk che koroomen eng' icheek.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

JEREMIA 7:16

Ara anyun inyee Jeremiah, ko mat isaa agobo pichu, agot iriirchi ko matiriirchi, mat isaachi anan isaa. Amu ma kasun.

EZEKIEL 14:14

agot nganda mi pichu somogu, Noah, Daniel, ak Job emonooto, ko kota saru saboonwekwak icheegei eng' imandanywa, mwaei Kiptaiyat Kamuktaindet ne Toroor.

EZEKIEL 22:30

Ki acheeng' anyun chii eng' kwenunnywa, si kotuur ng'ootweet, ak kotonon eng' tainnyu eng' ole kibutok, agobo emet, si ma ng'em emonooto: ago ma anyooru chii.

MALAKI 1:9

Asoomok anyun ale, osoom chametap Kamuktaindet si kobiit korirenech. Ye ogoonu chooto kobun eunekwok, ko tos taach age eng' okweek ye keer? Mwaei Kamuktaindet ne Toroor ne po lugoosyek.

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 7:8

Ki leenji `piigap Israel Samuel, “Amebagaakte iriirchi Kamuktaindet ne Toroor, Kamuktaindennyo agobo acheek, si kosarwech eng' eunegap Philistiik.”