JEREMIA 26:10 - BUKUIT NE TILIIL Sireet ne Dutero Kanon

¹⁰ Ak kingo kas pounigap Judah tuguuchuuto, kotogos eng' kootap laitoryat kobwa kootap Kamuktaindet ne Toroor; ak ki tep ng'wony eng' ole kibunei eng' ormariichet ne leel ne po kootap Kamuktaindet ne Toroor.

Bukuit Ne Tilil

¹⁰ Ak kingo kas pounigap Judah tuguuchuuto, kotogos eng' kootap laitoryat kobwa kootap Kamuktaindet ne Toroor; ak ki tep ng'wony eng' ole kibunei eng' ormariichet ne leel ne po kootap Kamuktaindet ne Toroor.

BUKUIT NE TILIL

¹⁰ Ak kingogas bounikab Juda tuguchuto, kotogos eng’ gotab laitoriat kobwa gotab Jehovah; ak kiteb ng’ony eng’ ole kibunei eng’ ormarichet ne leel ne bo gotab Jehovah.

JEREMIA 26:10 Referencias Cruzadas

2 LAITORINIK 15:35

Agos ma ki isto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen. Ki teech ineendet ormariichetap meto ne po kootap Kamuktaindet ne Toroor.

2 ATEPTAP PEETUUSYEK 27:3

Ki teech kurgeet ne po meto eng' kootap Kamuktaindet ne Toroor, ak ki yai poisyetap teekseet ne oo eng' inaatutap Ophel.

JEREMIA 20:2

Ki pir anyun Pasur maotyot Jeremiah, ak koratyi ineendet keetiik keelyekyik, eng' ormariichet ne po meto ne po Benjamin, ne ki mi kootap Kamuktaindet ne Toroor.

JEREMIA 26:21

Ak ye kingo kas Laitoryat Jehoiakim, kobooto piikyik tugul che nyigoonen, ak pounik tugul, kogicheeng' laitoryat kobar ineendet; ago ye kingo kas Uriah, koywei ak komwei, kwo Misiri.

JEREMIA 26:24

Ago ki riip Aikam weeriitap Sapan Jeremiah, si ma kigoito ineendet kobar piik.

JEREMIA 34:10

Ak ki kas iit pounik tugul ak piik tugul che kiga yai arorutyonooto, kole ityaachi chii age tugul otwogindennyi, ne muren, ak kotyach chii age tugul otwogindennyi ne tye kwo, kole ma mi chii eng' icheek ne otei age kogeny; ki kas iit ng'olyoondonooto, ak kogoochi icheek koba:

JEREMIA 34:19

pounigap Judah, ak pounigap Jerusalem, kiptainik, ak tisiik, ak piik tugul che po emet, che ki pun kwenutap kebeberwechooto po moita;

JEREMIA 36:10

Kisoman anyun Baruk ng'aleegap Jeremiah che ki kisirchi bukuit, eng' kootap Kamuktaindet ne Toroor, eng' koot ne po oriit ne po Gemaria weeriitap Sapan siriindet, eng' seremut ne po meto, eng' ole kimandoe ne po ormariichet ne leel ne po kootap Kamuktaindet ne Toroor, kisooman kogasei piik tugul.

JEREMIA 36:25

Ki igaigai anyun Elnatan ak Delaiah ak Gemaria laitoryat, si ma peel bukuit: ago ma kasyi.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 22:6

Ogeero, pounigap Israel, mi age tugul eng' kimnateennyi, eng' kwenung'ung', si kobiit kotumda korotiik.