JEREMIA 23:14 - BUKUIT NE TILIIL Sireet ne Dutero Kanon

¹⁴ Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

Bukuit Ne Tilil

¹⁴ Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

BUKUIT NE TILIL

¹⁴ Kiageerji maotikab Jerusalem agichek kit ne samis mising’; yaei ibetab ge, ak kobendote lembechek, ak kogimit eunekab yaikab yaitiet, kot ko mami chi ne weeksei eng’ yaitiennyi: kaigei ichek tugul Sodom eng’ ane, ak kaigei che menyei yoto, Gomora.

JEREMIA 23:14 Referencias Cruzadas

TAUNET 13:13

Ago kiyaachen, ak ko ki kiptengegin miising' piigap Sodom eng' taitap Kamuktaindet ne Toroor.

TAUNET 18:20

Ak ki le Kamuktaindet ne Toroor, “Oo kateiyet agobo Sodom ak Gomorah, ak kosamisen tengekwogikwak miising'.

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

TAUNET 19:25

Ki peel kong'em nganasochooto, atebweet komugul, piik tugul che ki menyei nganasochooto, ak tuguuk tugul che piitos eng' ng'wony.

ISAIAH 9:15

Metit ko poiyot ne konyitot; ak katutyet ko maotyot ne ineeti lembechek.

JEREMIA 14:14

Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

JEREMIA 18:13

Mwaei anyun Kamuktaindet ne Toroor kole: Oteebate pororyosyek, oleenji, ng'oo ne ki kogasei ng'aleek che uu chu; ki yai pergeiyatap Israel kiit ne samis miising'.

JEREMIA 20:16

Ak ingoigei chiichooto nganasook che ki kogabui Kamuktaindet ne Toroor, ama sik: ak ingogas riirek karon, ak waagaat peet kween;

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

JEREMIA 23:22

Ago nda kiga tononso eng' kapkirwoogennyu, ta ki igoochin piikyuk kogas ng'aleekyuk, ak ta kiweechi pichooto koweek eng' ooreenywa ne ya, ak eng' yaityetap poisyonikwak.

JEREMIA 23:32

Mwaei Kamuktaindet ne Toroor kole, ogeero, agirindoi icheek che maoteni karwotitaosyegap lembech, komwaita, ak kogoochi piikyuk kolel amu lembechekwak, ak eng' kachaunennywa pogei ne po puch: ago ma ayookte, anan ang'at icheek; ama toreti pichu agot kitigin, mwaei Kamuktaindet ne Toroor.

JEREMIA 29:21

Mwaei Kamuktaindet ne Toroor ne po lugoosyek, Kamuktaindetap Israel, agobo Ahab weeriitap Kolaia, ak Zedekiah weeriitap Maaseia, che maotenwok lembeita eng' kainennyu, kole: Ogeero, andoi icheek eutap Nebukadresar laitoryatap Babilon; ak kobar icheek eng' taing'wong';

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 36:2

nam bukuit ne mamanat, isirchi ng'aleek tugul che koamwaun agobo Israel, ak agobo Judah, ak agobo pororyosyek tugul, kobooch peetuut ne ki ang'alaalun, kobooch peetuusyegap Josiah, agoi peetuuni.

JEREMIA 49:18

Ko uu ye ki kigabui Sodom ak Gomorah ak nganasook che kineegite olooto, mwaei Kamuktaindet ne Toroor, ma menyei chii olooto, ama tebee olooto lakwa ne po chii.

RIREKAB JEREMIA 4:6

Amu ki koeet piretap piikyuk kosiir kergong'yetap Sodom, ne ki king'em kigabui eng' sait ne matya, ama twa chii.

EZEKIEL 13:16

chooto ko maotigap Israel che maoteni agobo Jerusalem, ak kogeerei ng'ang'utigap kaalyeet agobo nganasanooto, ama miitei kaalyeet, mwaei Kiptaiyat Kamuktaindet ne Toroor.

EZEKIEL 13:19

Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

HOSEA 6:10

Ki ageer kiit ne samis eng' kootap Israel: mi kugoinatet, Ephraim: ki king'wanit Israel.

AMOS 4:11

Ki ang'em ageesu alak eng' okweek, ko uu ye king'em Kamuktaindet Sodom ak Gomorah kogees, ak kio uu mecheita ne kaginemune maat; ago tomo oweekyage, mwaei Kamuktaindet ne Toroor.

MIKAH 1:5

Piitu chuuto amu pistoetap Jakobo, ak amu tengekwogigap kootap Israel. Nee pistoetap Jakobo? Tos ma Samaria? Ak nee komoswek che torooreen che po Judah? Tos ma Jerusalem?

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

SEPANIA 3:4

Piik che tangusen ak koberberisyei maotikyik: ki komurwon tisiikyik ole-tiliil, Ki kong'em ng'atuutik.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

MALAKI 1:1

Nyigiisindap ng'olyootap Kamuktaindet ne Toroor ne ki igoochi `Malaki Israel.

MATAYO 11:24

Ago amwaiwok ale, tuun kaigaitu emetap Sodom eng' peetuutap kirwooget, kosiirin.

NG'ATUTIK 32:32

Amu ketinnywa ne po sabibuk kobunu keetitap Sodom, ne punu mbareenigap Gomorah; murmuri piich sabibukwak, ak ko ng'woneen sabibukwak.

1 TIMOTEO 4:2

eng' chombilisyetap piik che ng'alaali lembech, che ki koigei kabwaatutikwak che ki kibeelee karnet ne peelei piich;

2 PETERO 2:6

ak ngot ko kigabui ak kowal nganasoogap Sodom ak Gomorah koek oreek si koek kaboorunet eng' icheek che ta kotebyei koma iywei Kamuktaindet;

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 11:8

Ak tebyei muuswekwak eng' ooreetap nganaseet ne oo, ne kiguure eng' kalewenet Sodom ak Misiri, ole kiga kigartate Kiptaiyannywa agine.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.