JEREMIA 22:6 - BUKUIT NE TILIIL Sireet ne Dutero Kanon

⁶ Amu mwaei ko uu ni Kamuktaindet ne Toroor agobo kootap laitoryat ne po Judah kole, ii Gilead eng' anee, ak ko ii metitap Lebanon; ago ayain iman iegu surkwen, ak nganasook che ma ki menyei.

Bukuit Ne Tilil

⁶ Amu mwaei ko uu ni Kamuktaindet ne Toroor agobo kootap laitoryat ne po Judah kole, ii Gilead eng' anee, ak ko ii metitap Lebanon; ago ayain iman iegu surkwen, ak nganasook che ma ki menyei.

BUKUIT NE TILIL

⁶ Amu mwaei ko u ni Jehovah agobo gotab laitoriat ne bo Juda kole, I Gilead eng’ ane, ak ko i metitab Lebanon; ago ayain iman iegu ong’atet, ak nganasok che magimenyei.

JEREMIA 22:6 Referencias Cruzadas

TAUNET 37:25

Ki tebi ng'wony koamis, ak ye kingo tabendo kogeer piigap Ismaelik kobwanei, kobunu Gilead, kobooto tambeesikwak che kilaei tuguuk che ng'uu ne anyiny, ak mwanik che kinyaise, ak tuguuk che uu igomoik, kochoortagei Misiri.

TIENWOGIKAL 107:34

Walei emet ne iyiot koek surkwen ne po muunyuk, amu sogornatetap icheeget che menyei olooto.

TYENDO NE SIIREI TUGUL 4:1

Iman, itinye itoon chamanennyu; ii karaaran ne tya! Uu konyeguk che po cheptugenik che katuch kitambaet. Uu suumeeguk akweetap ng'oroorek, che ruitos eng' tegeiyatap tulweetap Gilead.

TYENDO NE SIIREI TUGUL 5:15

Uu keelyekyik tolochigap koik che leelach, che ki kitetyi kelongonigap thahabu ne karaaran. Uu itoondanyi Lebanon, karaaran ko uu taragonik.

ISAIAH 27:10

Amu mi ineegei nganaseet ne ng'ootaat, meng'ooteet ne kigeue ak kemeto, ne uu surkwen; agete yooto moita, ak koru yooto, ak koam mooriikyik.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 21:11

Ak okweek kootap laitoryatap Judah, ogas ng'olyootap Kamuktaindet ne Toroor.

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 22:24

Ko uu ye asabe, mwaei Kamuktaindet ne Toroor, agot nganda ko waet ne po ng'ookset eng' eunnyu ne po tai Konia weeriitap Jehoiakim laitoryatap Judah, ang'usin ui tugul eng' olooto;

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

JEREMIA 4:20

Kagosuup `ng'emisyet ng'emisyet, kagong'emak emet komugul. Kagechea keng'em emaisyekyuk, ak angookyuk eng' sainooto.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 50:12

ililani kamenng'ung' miising': toptoben ineendet ne kisichok: ogeero, egu ineendet ne letu eng' tugul che po pororyosyek, surkwen, emet ne yaamaat, ak surkwen.

JEREMIA 7:34

Agoochini anyun kosiis tuugeetap poiboiyet ak ne po kagasetapkei, ne po sandet ak ne po murereet, eng' nganasoogap Judah ak ortinwegap Jerusalem, amu egu emet karaatya.

JEREMIA 8:22

Tos ma mi mwanik che ki inyaise Gilead? Tos ma mi chepkerichoon olooto? Amu nee anyun si ma sap cheptap piikyuk?

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 11:1

Yaat kurgotiguk, ee Lebanon, si kobeel maat taragoniguk.

KAITOSYEK 32:1

Ki tinyei akwotisyek che chaang' miising' lagogap Reuben ak lagogap Gad. Ye kingo keer emetap Jaser ak emetap Gilead kole emet ne nyoljin akwotisyek,

NG'ATUTIK 3:25

Kasain ale ichamwo alanda awo ageer emet ne karaaran ne mi Jordan pitoniin, tulwoonooto karaaran ak Lebanon.”