JEREMIA 21:9 - BUKUIT NE TILIIL Sireet ne Dutero Kanon

⁹ Ineendet ne tebee nganasani, kebarei eng' rotwetap chok ak eng' rubeet, ak eng' koroito: ago sabei ineendet ne mandoi, ak komut ineendet Kaldeik che yiemok, ak koek sabeennyi ne kiluulei.

Bukuit Ne Tilil

⁹ Ineendet ne tebee nganasani, kebarei eng' rotwetap chok ak eng' rubeet, ak eng' koroito: ago sabei ineendet ne mandoi, ak komut ineendet Kaldeik che yiemok, ak koek sabeennyi ne kiluulei.

BUKUIT NE TILIL

⁹ Inendet ne tebe nganasani, kebarei eng’ rotwetab chok ak eng’ rubet, ak eng’ koroito: ago sobei inendet ne mandoi, ak komut inendet Kaldeik che yiemok, ak koek sobennyi ne kiluulei.

JEREMIA 21:9 Referencias Cruzadas

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 27:11

Ago pororyet ne kase iit laitoryatap Babilon, ak koot ineendet, abagaaktoi pororyonooto kong'et eng' emennywa, mwaei Kamuktaindet ne Toroor; ak kobat emonooto, ak komeny olooto.

JEREMIA 27:12

Ak ki ang'alaalji Zedekiah laitoryatap Judah ko uu ng'aleechuuto tugul aleenji, Onde kaating'wong' chogitap laitoryatap Babilon, ak oot ineendet ak piikyik, si osapche.

JEREMIA 27:13

Amu nee si imee, inyee kobooto piiguk, eng' rotwetap chok, ak eng' rubeet, ak eng' koroito, ko uu ye kogomwa Kamuktaindet ne Toroor agobo pororyet ne ma chamei koot laitoryatap Babilon?

JEREMIA 38:2

mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

JEREMIA 38:3

Mwaei Kamuktaindet ne Toroor kole, kigoitoi iman nganasani kwo eutap lugeet ne po laitoryatap Babilon, ak koluul.

JEREMIA 39:18

Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

JEREMIA 45:5

Ko tos, icheeng'jinigei inyee tuguuk che eecheen? Amecheeng': amu, keero, aipchini yaityet piik tugul, mwaei Kamuktaindet ne Toroor: ago agoonin saboondang'ung' koek luuleneng'ung' eng' komoswek tugul ole iwendi.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.