JEREMIA 21:6 - BUKUIT NE TILIIL Sireet ne Dutero Kanon

⁶ Ak abir piik che menyei nganasani, chii ak tyony: pegu eng' koroito ne oo.

Bukuit Ne Tilil

⁶ Ak abir piik che menyei nganasani, chii ak tyony: pegu eng' koroito ne oo.

BUKUIT NE TILIL

⁶ Ak abir bik che menyei nganasani, chi ak tiony: begu eng’ koroito ne o.

JEREMIA 21:6 Referencias Cruzadas

TAUNET 6:7

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 33:12

Mwaei Kamuktaindet ne Toroor ne po lugoosyek kole: Ta kobiitu kogeny eng' olito ole karaatya, ama mi chii, ama mi tyony, ak eng' nganasookyik tugul, meng'ootetap mestoweek ak ole kerchin akwotisyek che po keechiirek.

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

JEREMIA 36:29

Ak imwa agobo Jehoiakim laitoryatap Judah ile, Mwaei Kamuktaindet ne Toroor kole: Ki ibeel bukuinooto, ile, Amu nee si isir, ile, Nyoonei laitoryatap Babilon iman kong'emei emoni, ak kowong' eng' olito chii ak tyony?

JEREMIA 42:22

Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

EZEKIEL 12:16

Ago atuuchi piik che ng'ering' eng' icheek kochililee rotwetap chok, ak rubeet, ak koroito; si kobiit kobarta tuguukwak tugul che kiwechei eng' pororyosyek ole tuun pendi; si konai kole aa Kamuktaindet ne Toroor.

EZEKIEL 14:13

Ee weeriitap chii, ye yaiywo emet tengekto eng' pistoet, ak atokyi eunnyu emonooto, ak atil amitwogikyik, ak ayookyi rubeet, ak abar chii ak tyony;

EZEKIEL 14:17

Anan ngot aipchi rotwetap chok emonooto, ak ale, Ee rotwoni po chok, ui pun emet; si abar chii ak tyony;

EZEKIEL 14:19

Anan ngot ayookyi koroito emonooto, ak aroong'ji nereegekyuk che ng'woneen atumde korotiik, aiste chii ak tyony:

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

EZEKIEL 33:29

Yeityo konai icheek kole aa Kamuktaindet ne Toroor, ye kaayai emet koguber ak koek ne kikwong'ee, amu tuguukwak tugul che kiwechei che ki koyai.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.

HOSEA 4:3

Riirei anyun emet, ak nyaluli age tugul ne menyei olooto, kobooto tyong'igap timiin ak toriitigap parak, ee agot njireenigap nyanja ko pegu ak icheek.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEPANIA 1:3

Ageesu piik ak tyong'ik; ageesu toriitigap parak, ak njireenigap nyanjet, andachini kanagutik kiptengeginik; ak aiste piik eng' ng'wony, mwaei Kamuktaindet ne Toroor.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.