JEREMIA 21:4 - BUKUIT NE TILIIL Sireet ne Dutero Kanon

⁴ Mwaei Kamuktaindet ne Toroor, Kamuktaindetap Israel, kole, ogeero, aweektoi kariigap lugeet che miitei eunekwok, che obaregei ak laitoryatap Babilon, ak Kaldeik che yiemok, eng' saang'utap irimoik, ak ayumji icheek kwenutap nganasani.

Bukuit Ne Tilil

⁴ Mwaei Kamuktaindet ne Toroor, Kamuktaindetap Israel, kole, ogeero, aweektoi kariigap lugeet che miitei eunekwok, che obaregei ak laitoryatap Babilon, ak Kaldeik che yiemok, eng' saang'utap irimoik, ak ayumji icheek kwenutap nganasani.

BUKUIT NE TILIL

⁴ Mwaei Jehovah, Kamuktaindetab Israel, ko u ni kole, Ogeero, aweektoi karikab luget che mitei eunekwok, che obarege ak laitoriatab Babulon, ak Kaldeik che yiemok, eng’ sang’utab irimoik, ak ayumji ichek kwenutab nganasani.

JEREMIA 21:4 Referencias Cruzadas

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

ISAIAH 13:4

Kas polatetap tuiyet eng' tuloonook, ne uu ne po pororyet ne oo! Polatetap wasetapkei ne po laitornatosyek, che po pororyosyek che kaiyumgei! Iyumi Kamuktaindet ne Toroor ne po lugoosyek lugeet agobo pooryeet.

ISAIAH 5:5

“Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 21:3

Ki mwachi anyun Jeremiah koleenji, omwachi Zedekiah ko uu ni oleenji:

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 33:5

Pwoonei kobaregei ak Kaldeik, ago kinyiiti muuswek, che ki abar eng' nereegekyuk ak eng' nereegekyuk che ng'woneen, ak icheek tugul che ki aung'e togeennyu tengekwogikwak eng' nganasani.

JEREMIA 35:17

mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Ogeero, aipchini Judah ak piik tugul che menyei Jerusalem, yaityet tugul ne ki amwa agobo icheek: amu ki ang'alaalji, ago ma kas; ago ki aguur icheek, ago ma wol.

JEREMIA 39:3

kobwa anyun neganaset oriit pounik tugul che po laitoryatap Babilon, ak kotebee ormariichet ne po kween, chooto ko Nergal-sareser, Samgar-ne po, Sarsekim, Rap-saris, Nergal-saresar, Reb-mag, kobooto pounik tugul alak che ki ng'et che po laitoryatap Babilon.

JEREMIA 52:18

Ak ki ip tereenik, ak kechigosyek che eecheen, ak magasisyek che kitile ole lalei eng' taisyek, kobooto taabook ak kechigosyek, ak tereenik tugul che po sugunonik che kiboisyee.

RIREKAB JEREMIA 2:3

Ki kotil kimnateetap Israel eng' nereegekyik che ng'woneen. Ki koweech eunnyi ne po tai konyo eng' taitap puunik. Ki kolal ineendet ko uu maat ne liplibeni eng' Jakobo, ne peelei komoswek tugul.

RIREKAB JEREMIA 2:5

Ki igei Kiptaiyat puunyoot, Ki kong'em Israel; Ki kolugui kooriikyik tugul che po laitorinik, ki kobut irimoikyik. Ki kotesyi cheptap Judah riirek ak kateiyet.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

EZEKIEL 39:3

ak akwer kwangeng'ung' ne mi eung'ung' ne po kaataam, kobut, ak agoochi kobutyo kipchaboniguk, eng' eung'ung' ne po tai.

HOSEA 9:12

Agot nganda igui lagokwak, agoochini kobegune lagok, si ma ng'et chii. Ee, pwo iman eng' icheek, ye amete icheek!

SEKARIA 14:2

Amu tuun ayumi pororyosyek tugul kobookyi Jerusalem kobargei; ak kenam nganaseet ak keluul kooriik, ak kesuup kwonyiik: ak kimut kebebertap nganaseet koek luulenik, ama ki parei piik che kang'et eng' nganaseet.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.