JEREMIA 18:16 - BUKUIT NE TILIIL Sireet ne Dutero Kanon

¹⁶ si koyai emennywa koek kwong'eet, ak koek ne kireenyei kotugul; kwong'ee age tugul ne siirtoi eng' yooto, ak kolelechi metinnyi.

Bukuit Ne Tilil

¹⁶ si koyai emennywa koek kwong'eet, ak koek ne kireenyei kotugul; kwong'ee age tugul ne siirtoi eng' yooto, ak kolelechi metinnyi.

BUKUIT NE TILIL

¹⁶ si koyai emenywa koek kwong’et, ak koek ne kirenyei kotugul; kwong’e age tugul ne siirtoi eng’ yoto, ak kolelechi metinnyi.

JEREMIA 18:16 Referencias Cruzadas

1 LAITORINIK 9:8

Agot nganda toroor kooi kot, ko tuun kwong'ee age tugul ne siirtoe yooto, ak kosasei; ak komwa icheek kole, ‘Amu nee si koyachi ko uu ni Kamuktaindet ne Toroor emoni ak kooi?’

2 ATEPTAP PEETUUSYEK 29:8

Ki nyoonji anyun nereegegap `Kamuktaindet ne Toroor Judah ak Jerusalem, ak ki igoito icheek ketoortaat koba komosi ak komosi, koek kwang'utyet, ak koek che kireenyei ko uu ye ogeere eng' konyekwok.

TIENWOGIKAL 109:25

Kaegu ne kirasyin eng' icheek; ye keera, kobarbar metowekwak.

TIENWOGIKAL 22:7

Rorechino tugul che keera; ak kochota eng' kutit, kolelechi metowek, koleen,

TIENWOGIKAL 44:14

Kegoonech keegu kalewenet eng' kwenutap pororyosyek, ak kolelegoti piik metowek agobo acheek.

ISAIAH 37:22

ni ng'olyoot ne kagomwa Kamuktaindet ne Toroor agobo ineendet: Kasasin pergeiyat cheptap Zion, ak kororechin kochotin; kagolelech metinnyi cheptap Jerusalem eng' inyee.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 19:8

Ak ayai nganasani koek kwong'eet ak ne kireenyei; kwong'ei age tugul ne siirtoi eng' yooto ak koreeny amu korotwek tugul che po olooto.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 44:12

Ak anam che ng'etu che po Judah, che kitokyigei emetap Misiri, koba kotebee olooto, ak kigeesu icheek tugul: ibutos eng' emetap Misiri; kigeesu icheek eng' rotwetap chok ak eng' rubeet; pegu icheek, kong'etee ne ming'in agoi ne oo, eng' rotwetap chok ak eng' rubeet: ak koek che kichubei, ak che kikwong'ee, ak che kisasei, ak che kichotei.

JEREMIA 48:27

Tos ma ek Israel eng' inyee ne kirorechin? Tos ki kinyoor komi ak chooriik? Amu kotugul ye ing'alaali agobo ineendet, ilelechi metit.

JEREMIA 49:13

Amu ki ayosyechigei, mwaei Kamuktaindet ne Toroor, ale, Egu Bosra ne kikwong'ee; ne kichotei, ak karaatya, ak ne kisasei; ak koek nganasookyik tugul karatwek kotugul.

JEREMIA 49:17

Ak egu Edom ne kikwong'ee: kwong'ei age tugul ne siirtoi eng' yooto, ak koreeny korotwekyik tugul.

JEREMIA 50:13

Ma ki menyei amu nereegegap Kamuktaindet ne Toroor, ago egu karaatya miising': kwong'ei age tugul ne siirei ole neegitee Babilon, ak koreeny korotwekyik tugul.

JEREMIA 51:37

Ak koek Babilon karurugutik, ole menyei lelwek, ne kikwong'ee ak ne kireenyei, ne ma menyei chii.

JEREMIA 51:43

Kagoek nganasookyik karaatya, emet ne yaamaat ak ko surkwen, emet ne ma menyei chii ama punei olooto lakwa ne po chii.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

RIREKAB JEREMIA 1:12

Tos ma kiy eng' okweek, okweek tugul che osiirtoi? Ogeer ak obwaat ngo mi arageneet age tugul ne uu aragenennyu, ne ki kiyaiywo, ne ki inyalilena Kamuktaindet ne Toroor eng' peetuutap nereegekyik che ng'woneen.

EZEKIEL 12:19

ak ileenji piigap emet, Mwaei Kiptaiyat Kamuktaindet ne Toroor agobo piik che menyei Jerusalem, ak che po emetap Israel kole: Kendoi amitwogikwak, ak koeei peekwak eng' kwong'eet, si koek karaatya emennyi eng' tuguuk tugul che mi, amu koroomnatetap piik tugul che menyei olooto.

EZEKIEL 27:36

Renyin chemung'arainik che mi pororyosyek; ki iegu kamuiset ama ipiitu agoi.

EZEKIEL 36:3

maoten anyun, ile, Mwaei Kiptaiyat Kamuktaindet ne Toroor kole: Amu nganda ki koyaak icheek oegu ponoon, ak koluguak eng' komosta age tugul, si kobiit obunji pororyosyek che ng'etunotiin, ak kigochaamatak piik, ak komwaetaenak tuguuk che yaach:

EZEKIEL 6:14

Ak achuulji icheek eunnyu, ak ayai emet koguber ak koek karaatya, kobooch surkwen kotokyigei Dibla, eng' meng'otosyekwak tugul: si konai icheek kole aa Kamuktaindet ne Toroor.

ATEPTAP LAWIK 26:32

Ak ayai emet koek surkwen ak kokwong'yo puunikwok che menyei olooto.

ATEPTAP LAWIK 26:43

“Ak kometo icheek emet ak kobaibait eng' sabatoisyekyik, ye tebyei emonooto ko kuberot koma mi icheek, ak kotaach piretap tengekwogikwak, amu ki eesyo kirwoogutikyuk, ak ki wech saboonwekwak kaneetisyosyekyuk.

MIKAH 6:16

Amu ki oriip ng'atuutigap Omri, ak poisyonik tugul che po kootap Ahab, ak obendate kirwoogutikwak: si kobiit ayain iegu panan, ak ayai piik che menyei olooto koek che kireenyei; ak oip chotisyetap piikyuk.

MATAYO 27:39

Kichurachur ineendet che kisiirtoi ak koleglegoti metowekwak

MARIKO 15:29

Ak ki churochur che ki siirtoi, koliligoti metowekwak, ak koleen, “Haa! Inyee ne ing'eme Hekaluut, ak iteech eng' peetuusyek somok,

NG'ATUTIK 28:59

koyai anyun Kamuktaindet ne Toroor korotweguk koek che kikwong'ee ak korotwegap iyoteng'ung', korotwek che eecheen, che tebyei keny ak myanwogik che yaacheen, che tebyei keny.

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.