JEREMIA 18:11 - BUKUIT NE TILIIL Sireet ne Dutero Kanon

¹¹ Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

Bukuit Ne Tilil

¹¹ Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

BUKUIT NE TILIL

¹¹ Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 18:11 Referencias Cruzadas

TAUNET 11:7

Ongebe, kechoortegei anyun ak kitoiye kutusweekwak si mata kogasyin icheegei eng' ng'alaalet!”

1 LAITORINIK 22:23

Ara anyun, keero, kainde Kamuktaindet ne Toroor tamirmir ne kenisyei kutusweegap maotichuguk tugul. Kagomwa anyun Kamuktaindet ne Toroor yaityet agobo inyee.”

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

2 LAITORINIK 22:13

“Oba, oteebwa eng' Kamuktaindet ne Toroor, ak agobo piik, kobooto Judah komugul, agobo ng'aleegap kitabuuni kaginyoor. Eechen nereegegap Kamuktaindet ne Toroor che laldos agobo acheek amu ma kas iit kwanisyekyok ng'aleegap bukuini, koyai ko uu tugul che ki kisir agobo acheek.”

2 LAITORINIK 5:5

Ki le laitoryatap Syria, “Ara, ui olooto, si ayookyi parweet laitoryatap Israel.” Ki wo anyun ak koip talendaisyek taman che po fedha, ak thahabusyek eliphuusyek lo, ak ngoroik taman che kiwalawali.

ISAIAH 5:5

“Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

ISAIAH 57:1

Pegu che po iman, ama iiti chii; ak kimuti piik che tinyei riirge, ama ibwaati chii kole, kimuti che po iman si ma keer yaityet ne nyoonei.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 19:3

Mwaa ile: Ogas okweek ng'olyootap Kamuktaindet ne Toroor, ee laitorinigap Judah, ak piik che omenye Jerusalem; mwaei Kamuktaindet ne Toroor ne po lugoosyek, Kamuktaindetap Israel, kole, ogeero, aipchini yaityet olito, ne ngo kas chii age tugul, kotildilyo itiikyik.

JEREMIA 25:2

ne ki mwachi maotyot Jeremiah piik tugul che po Judah, kobooto piik tugul che menyei Jerusalem, koleenji:

JEREMIA 25:5

komwaei kole, ingoweek age tugul eng' okweek, kometo ooreennyi ne ya, ak eng' yaityetap poisyonikwok, ak omeny emet ne ki koonok Kamuktaindet ne Toroor kobooto kwanisyekwok, kobooch keny agoi koigeny;

JEREMIA 26:13

Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

JEREMIA 26:3

Abeere imuuchi kogas, ak koweek chii age tugul eng' ooreennyi ne ya; si kobiit awal kabwaatutikyuk eng' yaityet ne kiga achop ale ayachini icheek amu yaityetap poisyonikwak.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 36:3

Abeere tamangap kogas kootap Judah yaityet tugul ne kaatil ale ayachini icheek; si koweek chii tugul eng' icheek kometo ooreennyi ne ya, si anyochi kaat amu yaityennywa ak tengektonywa.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

JEREMIA 4:23

Ki ageer ng'wony, ak ki ma komi kiy ak ki ma kotinyei itoon; ki ageer kipsengwet ak ki ma kotinyei lapkeiyet.

JEREMIA 4:6

Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

JEREMIA 51:11

Olit kipchabonik; onam long'onik komyee: kagong'eet Kamuktaindet ne Toroor mugulelwegap laitorinigap Medik; amu chobennyi ko kogirinda Babilon, kong'em: amu yaaktaetap mugetuut ne po Kamuktaindet ne Toroor, yaaktaetap mugetuut ne po hekalunnyi.

JEREMIA 7:3

Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 18:23

Tos abaibai eng' meetap kiptengekyot? Mwaei Kiptaiyat Kamuktaindet ne Toroor: tos ma abaibai ngo week kometo ooreennyi si kosap?

JONAH 3:8

Ago ingetuge icheek tugul kuniok, chii ak tyony, ak ingoriirchi Kamuktaindet eng' kimnateet. Ee, ingoweek chii tugul kometo ooreennyi ne ya, ak kometo koroomnateet ne mi eunekwak.

MIKAH 2:3

Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

JAKOBO 4:13

Ogas anyun, okweek che omwae ole, Kibendi rani anan ko mutai nganasani, ak ketar kenyiit agenge eng' olooto, kealisyei, ak kealdoisyei, ak kesich kelunet:

JAKOBO 5:1

Ogas anyun, okweek mogoreek, oriirye ak oteeiye amu nyalwogikwok che pwonjinok.