JEREMIA 17:10 - BUKUIT NE TILIIL Sireet ne Dutero Kanon

¹⁰ Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

Bukuit Ne Tilil

¹⁰ Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

BUKUIT NE TILIL

¹⁰ Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 17:10 Referencias Cruzadas

1 LAITORINIK 8:39

igas anyun eng' kipsengwet oldang'ung' ole imenye, ak inyochi kaat, iyai ak iyaakyi chii age tugul ko uu ortinwekyik tugul, ne ineegei muguleldanyi (amu inyee inyegei ne ingen mugulelwegap weeriigap piik);

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

Kitabuutap JOB 34:11

Amu yaakyin chiito ko uu poisyonikyik, ak kogoochi chii age tugul konyoor ko uu ortinwekyik.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 44:22

Kibarech peetuut komugul agobo inyee; ak ki iitech ko uu keechiirek che po eng'seet.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 7:10

Long'ennyu Kamuktaindet, ne saru che po iman eng' mugulelwek.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

KALEWANAIK 12:14

Piyonyi chiito myeeindo eng' logoegap kutinnyi, ak kigeerchin chiito poisyonigap eunekyik.

KALEWANAIK 17:3

Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.

AMDOINDET 9:3

Niito ko yaityet eng' tugul che kiyaei eng' kurereetap asiista, mi kiit agenge ne ityin tugul: ee, nyiitaat mugulelwegap weeriigap piik, yaitwogik, ak mi iywek mugulelwekwak kotee kosaptos, ye ibata, koba ole mi che ki kobek.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 23:2

Mwaei anyun Kamuktaindet ne Toroor, Kamuktaindetap Israel, ko uu ni, agobo mestoweek che paei piikyuk, kole, ki oiyeste akweennyu, ak oon, ama obe ogeer; ogeero, aitwok pireet ne po yaityetap poisyonikwok, mwaei Kamuktaindet ne Toroor.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

EZEKIEL 11:5

Ak ki nyoonjo Kabuusetap Kamuktaindet ne Toroor, ak koleenjo, Mwa ile, Mwaei Kamuktaindet ne Toroor kole ki omwa ko uu ni, ee kootap Israel; amu angen tuguuk che obwaati.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

MIKAH 7:13

Nganda uu nooto koegu emet karaatya amu icheek che menyei olooto, amu logoegap poisyonikwak.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 6:4

si kobiit kobunji ung'oot kagoochinoiguk; ak kogoonin melekto Kwandang'ung' ne keerei eng' ung'oot.

JOHANA 2:25

ak amu ki ma komage kiy chii ne paoryani agobo chii age; amu ki ingen ineendet kiit ne mi chii oriit.

POISYONIGAP CHE KIYOKTOI 1:24

Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

ROMANIK 6:21

Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

ROMANIK 8:27

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”