JEREMIA 16:18 - BUKUIT NE TILIIL Sireet ne Dutero Kanon

¹⁸ Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

Bukuit Ne Tilil

¹⁸ Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

BUKUIT NE TILIL

¹⁸ Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

JEREMIA 16:18 Referencias Cruzadas

TIENWOGIKAL 106:38

Kitumda korotiik che ma tinyei tengek, korotiigap weeriikwak ak tiibiikwak, che ki igoochi kanamonigap Kanaan koek tiseiywek; ak ki king'wanit emet eng' korotiik.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 61:7

Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

ISAIAH 65:6

Ogeero, siraat eng' tainnyu: masise, ago ayaaktoi, ee ayaakyini andochini tegetikwak,

ISAIAH 65:7

tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

JEREMIA 17:18

Ingolilanso che usa, ago megoono alilan; ingoaragenso icheek, ago megoono aaragen: ipchi icheek peetuutap yaityet, ak ing'eme icheek ng'emisyet konyil aeng'.

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 3:9

Ee iman, ki komurwon emet eng' kugoinatennyi ne po tangoi, ko uu ye ki ipkei ak koik ak subenik.

JEREMIA 44:4

Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

JEREMIA 7:30

Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.

EZEKIEL 11:18

Ak koba olooto, ak koisto tuguuk tugul che samisen eng' olooto, kobooto tuguuk tugul che kiwechei, koistogei eng' olooto.

EZEKIEL 11:21

Ago eng' icheeget che pendoti kosubi tuguukwak che samisen, ak tuguukwak che kiwechei, aipchini ortinwekwak metowekwak, mwaei Kiptaiyat Kamuktaindet ne Toroor.

EZEKIEL 36:18

Ki aroong'ji anyun nereegekyuk che ng'woneen amu korotiik che kiga kotumji emet, ak kiga kong'wanit emonooto eng' kanamonikwak:

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

HOSEA 9:7

Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

MIKAH 2:10

Ong'eetyee, ak obe; amu ma olito ole omuung'e: amu murwoonindo ne ng'emisyei, ee, ng'emisyet ne ya kot.

NG'ANG'UTYET 18:6

Oweekyi ineendet ko uu ye ki koyai, ak oyaakyi ineendet konyil aeng' ko uu poisyonikyik; kigombet ne kiburuge, oburukyi ineendet konyil aeng'.