JEREMIA 16:16 - BUKUIT NE TILIIL Sireet ne Dutero Kanon

¹⁶ Ogeero, ayooktoi keguur ramik che chaang' che po njireenik, mwaei Kamuktaindet ne Toroor, si kobiit koram icheek; ak ye ibata ayookte keguur kiplogotinik che chaang', si kobiit kocheeng'at icheek eng' tulweet age tugul, ak eng' tulweet age tugul ne ming'in, ak eng' kebenonik.

Bukuit Ne Tilil

¹⁶ Ogeero, ayooktoi keguur ramik che chaang' che po njireenik, mwaei Kamuktaindet ne Toroor, si kobiit koram icheek; ak ye ibata ayookte keguur kiplogotinik che chaang', si kobiit kocheeng'at icheek eng' tulweet age tugul, ak eng' tulweet age tugul ne ming'in, ak eng' kebenonik.

BUKUIT NE TILIL

¹⁶ Ogeero, ayoktoi keguur ramik che chang’ che bo njirenik, mwaei Jehovah, si kobiit koram ichek; ak ye ibata ayokte keguur kiplogotinik che chang’, si kobiit kocheng’at ichek eng’ tulwet age tugul, ak eng’ tulwet age tugul ne ming’in, ak eng’ kebenonik.

JEREMIA 16:16 Referencias Cruzadas

TAUNET 10:9

Ki kiplogotyot ne nyigan eng' taitap Kamuktaindet ne Toroor. Ko uu nooto anyun kemwae keele, “Ko uu Nimrod, kiplogotyot ne nyigan eng' taitap Kamuktaindet ne Toroor.”

ISAIAH 2:21

si komwechi kebenonik, ak rwandosyek che kibetogis, komwee kamuisetap Kamuktaindet ne Toroor, ak eng' toroornatetap etunatennyi, ye kang'eet kotumdum ng'wonyuni eng' kimnateet.

ISAIAH 7:19

Si kobwa, yeityo komuuny tugul eng' atebwosyek che ki koek surkwen, ak eng' ole ki kobetak eng' rwandosyek, ak eng' katok tugul, ak eng' ola tugul ole kiyagisye.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 4:29

Mweei nganaseet komugul amu waagaatap piik che ketei paraisisyek ak piigap kwangok, chutei sondisyek ak kolaany rwandosyek. Ki metoi nganaseet age tugul, ama menyei chii olooto.

JEREMIA 49:5

Ogeero, aibun kaiyweisyet, mwaei Kiptaiyat Kamuktaindet ne Toroor ne po lugoosyek, eng' icheek tugul che mi tabanweguk; ak keonak, komanda chii age tugul, ama piitu chii ne iyumi ineendet ne ombenoti.

JEREMIA 6:9

Mwaei Kamuktaindet ne Toroor ne po lugoosyek kole; “Ingeturot icheek che ng'etunotiin che po Israel komyee, ingeturot ko uu keetitap sabibuk. Ketyi eung'ung' kogeny kitongok, ko uu ineendet ne putei sabibuk.”

RIREKAB JEREMIA 4:18

Ki cheeng' kakwautikyok, kot ko ki mata kimuuchi keebe eng' ortinwekyok. Kagesunennyo ko ki riik, peetuusyekyok ko ki kiiti amu ki kagoit let nenyo.

RIREKAB JEREMIA 4:19

Che ki onatech ko ki chepcheben kosiir kipsichinigap parak, ki onatech eng' tuloonook, ki ripistos kogenech eng' surkwen.

HOSEA 10:10

Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

AMOS 4:2

Ki koyosyo Kiptaiyat Kamuktaindet ne Toroor eng' tiliilindanyi kole, “Ogeero, pwonjinok peetuusyek, che tuun imutenok kombook, ak komute chekwok che ng'etu kombook che kiname njireenik.

AMOS 5:19

ko uu ye kamwee `chiito ng'etundo, ak kotuiye magalaluut; anan ko uu chii ne kawo ko ak kotiing'e eunnyi inaat, ak kosus ereneet ineendet.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

1 SAMUEL 24:11

Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.

1 SAMUEL 26:20

Ara anyun, amat kotumjigei ng'wony korotiikyuk eng' ole looe ole mi Kamuktaindet ne Toroor amu kanyo laitoryatap Israel kocheeng' kimityat ko uu ye cheeng'ei chiito taiywet eng' tuloonook.”