JEREMIA 14:12 - BUKUIT NE TILIIL Sireet ne Dutero Kanon

¹² Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

Bukuit Ne Tilil

¹² Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

BUKUIT NE TILIL

¹² Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 14:12 Referencias Cruzadas

Kitabuutap JOB 27:9

Tos kasei Kamuktaindet riirekyik, ye kanyonji ineendet nyalilda?

KALEWANAIK 1:28

Oguura anyun ago mawolu, ocheeng'a eng' kagiiletapkei ago monyorwo.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

KALEWANAIK 28:9

Kiwechei saaetap ineendet ne eesyoi kogas ng'atuutik.

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 11:14

Amesaa anyun agobo pichu, ameriir anan isaa agobo icheek. Amu ma agase icheek eng' peetuut ne riirchino amu nyalildanywa.”

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 21:6

Ak abir piik che menyei nganasani, chii ak tyony: pegu eng' koroito ne oo.

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

JEREMIA 8:13

Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 14:19

Anan ngot ayookyi koroito emonooto, ak aroong'ji nereegekyuk che ng'woneen atumde korotiik, aiste chii ak tyony:

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.

AMOS 5:21

Aweche, asase igoorwekwok, amabaibaitune tuiyosyekwok che po kaming'inetapkei.

MIKAH 3:4

Ye ibata koriirchi Kamuktaindet ne Toroor, ago mawoljin: ee, ung'e togeennyi icheek eng' peetuusyechooto, ko uu ye ki yai yaityet eng' poisyonikwak.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

MALAKI 2:13

Ak ni kiit age ne oyae kogeny, otumjini peegap kong' kaptisisyetap Kamuktaindet ne Toroor, eng' riirek ak kateeiyet, kot koma koiti kogeny kagoochinet, ama kotaachei eng' chamyet che ogoochini eng' eunekwok.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.