JEREMIA 13:25 - BUKUIT NE TILIIL Sireet ne Dutero Kanon

²⁵ Kebebertang'ung' niito, kebeberta ne punwa ne ki kigerun, mwaei Kamuktaindet ne Toroor; amu ki iutyeno ak imang'u lembechek.

Bukuit Ne Tilil

²⁵ Kebebertang'ung' niito, kebeberta ne punwa ne ki kigerun, mwaei Kamuktaindet ne Toroor; amu ki iutyeno ak imang'u lembechek.

BUKUIT NE TILIL

²⁵ Kebebertang’ung’ nito, kebeberta ne bunwa ne kigigerun, mwaei Jehovah; amu kiiutiena, ak imang’u lembechek.

JEREMIA 13:25 Referencias Cruzadas

Kitabuutap JOB 20:29

Niito kebeberta ne po kiptengekyot, ne punu Kamuktaindet, ak poroteet ne ki lewenji `Kamuktaindet ineendet.”

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 9:17

Weechegei kiptengeginik kobendi ye mi meet, agot pororyosyek tugul che utye Kamuktaindet.

ISAIAH 17:4

Nyerotitu toroornatetap Jakobo eng' peetuunooto, ak kosagit poortanyi.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 34:17

Kigoseer parbareek agobo icheek, ak kigopchechi icheek eunnyi eng' porowet; punjin icheek agoi, menyei olooto kobooch ibinda age agoi ibinda age.

ISAIAH 65:7

tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

JEREMIA 10:14

Kergeitu chiito age tugul ak tyondo ama tinyei naet. Ililani kitang'indet age tugul ne po thahabu eng' kanamwennyi ne ki kiwai. Amu lembeita kanamwennyi ne ki kitany, ama tinyei kabuset.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

EZEKIEL 23:35

Mwaei anyun Kiptaiyat Kamuktaindet ne Toroor kole: Amu ki iutyeno, ak ituktocha patai, kesen anyun yaityeng'ung' agine ak kugoinatosyeguk.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

SEPANIA 3:2

Ki ma kas iit mwaet; kimataach katigonet; ki ma imang' Kamuktaindet ne Toroor; ki ma riikyi Kamuktaindennyi.

MATAYO 24:51

ak kobir miising' ak kogoochi kebebertanyi kobooto chombilik, egu eng' olooto riirek ak nyeetap kelek.

ROMANIK 1:25

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.