JEREMIA 13:11 - BUKUIT NE TILIIL Sireet ne Dutero Kanon

¹¹ Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

Bukuit Ne Tilil

¹¹ Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

BUKUIT NE TILIL

¹¹ Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 13:11 Referencias Cruzadas

TIENWOGIKAL 135:4

Amu ki kolewenjigei Kamuktaindet ne Toroor Jakobo, ak Israel koek kinnyi ne nenyi iman.

TIENWOGIKAL 147:20

Ma yachin pororyet age tugul ko uu nooto; ama nai icheek kirwoogutikyik. Olasu Kamuktaindet ne Toroor!

TIENWOGIKAL 81:11

Ago ki ma epchi iit kutinnyu piikyuk; Ak ki ma ko magena kiy Israel.

ISAIAH 43:21

piik che ki ayachigei, si kobiit kobarta kalasunennyu.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

JEREMIA 13:1

Kimwaiwo Kamuktaindet ne Toroor kole, “Ui, ak ialjige pireneetap angeet ne karaaran ak irategei, amat inde peek.”

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 13:12

Mwachi anyun icheek ng'olyoondoni, ileenji, “Mwaei Kamuktaindet ne Toroor, Kamuktaindetap Israel kole, ‘Kinyiiti divaik tereet age tugul.’ Ago teebenen icheek kole, ‘Tos ma kingen keele kinyiiti divaik tereet age tugul?’ ”

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 32:20

ne ki inde kaboorunoik ak kwang'utik emetap Misiri, agoi rani, eng' Israel ak eng' piik alak; ak ki iyai kaineng'ung' konaak, ko uu ye uu rani;

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

JEREMIA 7:13

Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

AMOS 3:1

Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

LUKA 10:11

kagibukyok temburyek che po nganaseng'wong', che kanam keelyekyok; ago onai ni, ole, kagoriik laitornatetap Kamuktaindet.

NG'ATUTIK 26:18

Kang'aany Kamuktaindet ne Toroor rani kole, ii pororyet ne ki kitabaanin iegu nenyi, ko uu ye ki iarorun ak si kobiit iriip ng'atuutikyik tugul,

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 4:7

Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.