JEREMIA 12:6 - BUKUIT NE TILIIL Sireet ne Dutero Kanon

⁶ Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

Bukuit Ne Tilil

⁶ Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

BUKUIT NE TILIL

⁶ Kigoyaun kaberberisiet tupchosieguk, ak gotab kwandang’ung’; kigorirjin mising’: ameyan ichek, agot nda mwaun ng’alek che kororon.

JEREMIA 12:6 Referencias Cruzadas

Kitabuutap JOB 6:15

Ki koyai tupchosyekyuk kaberberisyet ko uu kereruut, ko uu peegap kereruusyek che teng'dos.

TIENWOGIKAL 12:2

Ng'alaaljingei tangoita, chii tugul ak chiitap kokwennyi; ng'alaali chemwaigutnateet ak eng' muguleldo ne pesyot aeng'.

TIENWOGIKAL 12:3

Ibeeti Kamuktaindet ne Toroor kutusweek tugul che ng'alaali chemwaigutnateet, ak ng'elyepta age tugul ne lasegei.

TIENWOGIKAL 69:8

Ki aegu too eng' che kitupche, ak ki aegu kipsagarin eng' lagogap chebyoset ne kisicha.

KALEWANAIK 23:8

Ing'ung'u kererutyet ne keam, ak kobetyo ng'aleeguk che anyiny.

KALEWANAIK 26:25

ye kamwa che myach, ko meyan ineendet; amu miitei muguleldanyi tuguuk tisabu che po wegeet.

ISAIAH 31:4

Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 11:21

Nooto anyun amu nee si komwaei Kamuktaindet ne Toroor agobo piigap Anatoth, che cheeng'ei saboondang'ung', kole, “Amat imaoten eng' kainetap Kamuktaindet ne Toroor, si ma ki parin acheek.”

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

JEREMIA 9:4

Ingoriibegei anyun chii tugul chiitap kokwennyi, amat imang'u tupchet age tugul. Amu tilei piich let tupchet age tugul, ak kochaamsoti chiito age tugul ne po kokwet.

JEREMIA 9:5

Iberberi age tugul chiitap kokwennyi, ama mwaei imanit. Ki konet ng'elyebwekwak komwa lembechek; ak kobirtogei koyai yaityet.

MATAYO 10:21

“Ak kong'wekta chiito ng'eetap kamet kong'wekyi meet, ak kong'wekta kwanda lakweennyi, ak kong'eetyi lagok sigiikwak, ak kogoito kebar.

MARIKO 12:12

Ak ki cheeng'ei ole namdoi ineendet; ago ki iywei tuiyet; amu ki nai kole kamwa kalewenoni agobo icheek: ak ki pagaakta ineendet ak koba.

JOHANA 7:5

Amu agot tupchosyekyik ak icheek, koma iyan ineendet.

POISYONIGAP CHE KIYOKTOI 16:22

Ak ki ng'eet tuiyet kibagenge kobookyi icheek, ak kogereer kirwoogik ngoroigap pichooto ak kong'at kebir eng' kirokweek.

POISYONIGAP CHE KIYOKTOI 18:12

Ago ye kingo kirwoogindetap Akayo Galio, kong'eetyi `Yahudik Paulo eng' mageet agenge, ak komut ineendet kwo taitap ng'echereetap kirwooget.