JEREMIA 12:1 - BUKUIT NE TILIIL Sireet ne Dutero Kanon

¹ Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

Bukuit Ne Tilil

¹ Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

BUKUIT NE TILIL

¹ I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

JEREMIA 12:1 Referencias Cruzadas

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

EZRAH 9:15

Ee Kamuktaindet ne Toroor, Kamuktaindetap Israel, ii po iman, amu ki piik che kigeng'etu, che kichililso, ko uu rani. Ki mi taing'ung' eng' ng'oogistonyo, amu ma mi ne imuuchi kotonon eng' taing'ung' amu niito.”

NEEMIA 9:33

Ago ii po iman eng' tuguuk tugul che ki kobwanjech, amu ki iyai ne po iman, ago ki keyai ne ya:

Kitabuutap JOB 12:6

Poorei emaisyegap choriik, ak riibootin che tachei Kamuktaindet; che ibootee eunekwak kamuktaindennywa.

Kitabuutap JOB 13:3

Iman amache ang'alaalji Ineendet Ne po Kamuktaet, ak amache keng'alaaljine ak Kamuktaindet.

Kitabuutap JOB 24:12

Tigendos piik eng' nganaseet ne chaang' piik, ak koriirtos saboonwegap piik che ki kiguoten, Ago ma iityi Kamuktaindet perberyet.

Kitabuutap JOB 24:23

Igoochin Kamuktaindet icheek kotebee ole mi kaalyeet, ak komuung'e yooto. Ak komi konyekyik ortinwekwak.

Kitabuutap JOB 8:17

Taachingei tigitikyik karurugutyetap koik; keerei komostap koik.

TIENWOGIKAL 116:5

Po myeeindo Kamuktaindet ne Toroor ak ko po imanda; tinyei rireenetapkei Kamuktaindennyo.

TIENWOGIKAL 119:137

Ii po iman, inyee, ee Kamuktaindet ne Toroor, ak lititen kirwoogutiguk.

TIENWOGIKAL 119:75

Angen, ee Kamuktaindet ne Toroor, ale po iman kirwoogutiguk, ak ki ibira eng' imandang'ung'.

TIENWOGIKAL 145:17

Po iman Kamuktaindet ne Toroor eng' ortinwekyik tugul, ak tala eng' poisyonikyik tugul.

TIENWOGIKAL 37:1

Ameng' konyitin che yaei yaityo, amat koamin ng'etkong' agobo che yaei tengekto.

TIENWOGIKAL 37:35

Ki ageer kiptengekyot ne tinyei pounateet ne oo, ak kotuneni ko uu keetit ne tuon ne piitei eng' emennyi.

TIENWOGIKAL 51:4

Ki ayaun tengekto inyeendet inyegei, ak ki ayai ne ya eng' taing'ung'. Ki ityin imanda ye ing'alaali, ak kotook lititindang'ung' ye irwoochi.

TIENWOGIKAL 51:6

Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

TIENWOGIKAL 92:7

Ye kaeegitu kiptengeginik ko uu susweek, Ak ye kanyoor perurto yaigap tengekto; Ko si keng'em agoi koigeny:

KALEWANAIK 1:32

Amu parei icheek kachuchugetapkei ne po abusanik, ak ng'emei icheek poroteetap che perber.

AMDOINDET 8:14

Mi tangoita ne yaaksei eng' ng'wony; amu mi piik che po iman, che piityin kiy ko uu poisyonigap kiptengeginik; komi piik che yaach che piityin kiy ko uu poisyonigap che po iman. Ki amwa ale, tangoita niito agine.

ISAIAH 41:21

Kale Kamuktaindet ne Toroor, Omwa ng'aleekwok; kale Laitoryatap Jakobo, Oibu ng'aleekwok che kiimeen.

ISAIAH 48:8

Ee, kitom igas, ee kitom inai; ee kitom koyaatak iting'ung': amu ki angen ale iyae kaberberisyet ne oo, ak ki kiguurenen pistoindet kobooch imi moo.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 12:6

Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

JEREMIA 3:20

Ago ko uu ye pagaktoi `osotyot manong'otyondennyi eng' kaberberisyet, ko uu nooto, ki oyaiywo kaberberisyet, ee kootap Israel,” mwaei Kamuktaindet ne Toroor.

JEREMIA 3:7

Ki abwaat anyun ale, kingo kagoyai tuguuchuuto tugul, ko weekyinagei ineendet. Ago ma week, chepkamennyi Judah kaberberindet ko ak ki keer niito.

JEREMIA 32:16

Kingo kaagoochi Baruk weeriitap Neriah parweetap kayanjinet ne po alyet, asaa Kamuktaindet ne Toroor aleenji,

JEREMIA 5:11

Ee, kootap Israel ak kootap Judah, koma kotinyei kayaneet, mwaei Kamuktaindet ne Toroor.

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

RIREKAB JEREMIA 1:18

Po imanda Kamuktaindet ne Toroor; amu ki angelelji ng'atuutyennyi. Asaok ale, ogas okweek pororyosyek tugul, ak ogeer aragenennyu. Kogimut pergeinikyuk ak neranikyuk koba koek luulenik.

EZEKIEL 18:25

Ago omwae ole, Ma po iman ooreetap Kamuktaindet ne Toroor. Ogas anyuno, kootap Israel: tos ma po iman ooreennyu? Tos ma ortinwekwok che ma po iman?

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

HABAKUK 1:4

Ki kochoriren ng'atuutyet amu nooto; ama komi kirwooget ne kirwoochi. Yiemei kiptengekyot chiito ne po iman; kirwoochi anyun kirwooget kimaasi.

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

MALAKI 2:17

Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

MALAKI 3:15

Ak nguno keguure menotik piik che poiboi, ee, yaigap yaityo koma poorei kityo, ago ngo tyem Kamuktaindet ak kochilildos.”

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.