JEREMIA 1:14 - BUKUIT NE TILIIL Sireet ne Dutero Kanon

¹⁴ Yeityo koleenjo Kamuktaindet ne Toroor, “Mang'une yaityet murot kaataam, konyonjin piik tugul che po emet.”

Bukuit Ne Tilil

¹⁴ Yeityo koleenjo Kamuktaindet ne Toroor, “Mang'une yaityet murot kaataam, konyonjin piik tugul che po emet.”

BUKUIT NE TILIL

¹⁴ Yeityo kolenja Jehovah, Mong’une yaitiet murot ne bo katam, konyonjin bik tugul che bo emet.

JEREMIA 1:14 Referencias Cruzadas

ISAIAH 14:31

Itee, ee ormariichet; riir, ee nganaseet; kaichoot, ee Philistia, inyee tugul; amu mang'une iyeto murot kaataam, ama tononi chii ineegei eng' peetuusyekyik che ki king'at.

ISAIAH 41:25

Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

JEREMIA 10:22

Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

JEREMIA 4:6

Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

JEREMIA 46:20

Rooryat ne karaaran miising' Misiri; ago kagonyo ng'emisyet ne punu murot kaataam, kagonyo.

JEREMIA 47:2

Mwaei Kamuktaindet ne Toroor kole: Ogeero, Tesoksei peek kobunu murot kaataam kot koek kereruut aineet ne chwaldoi, ak kochwalda emet ak tugul che mi olooto, nganaseet kobooto che menyei olooto: ak koriiryo murenik, ak kowaakyo piik tugul che menyei emet.

JEREMIA 50:41

Ogeero, punu piik murot kaataam; kobooto pororyet ne oo, ak king'eeti laitorinik che chaang' che punu komoswek che looen che po ng'wony.

JEREMIA 50:9

Amu, ogeero, ang'eeti tuiyetap pororyosyek che eecheen che punu emetap murot kaataam kobookyi Babilon: ak kotet lugeet kotokyigei emonooto; kiluulei eng' olooto: uu kipchabonikwak che po chiito ne nyigan, ne mwogindet; ma mi ne weeksei puch.

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

JEREMIA 6:22

Mwaei kora Kamuktaindet ne Toroor kole, “Punu piik emet ne mi murot kaataam; king'eeti pororyet ne oo ne punu komoswek che looen che po ng'wony.

EZEKIEL 1:4

Ogeero! Ki ageer usoonetap ropta ne oo komang'une murot kaataam; pooldet ne oo, kobooto kalyeleet ne oo ne kiyiem kakweng'seet ne kiim. Eng' kwenunnyi ko kitogu kiit ne uu itoondap taet, komang'une kwenutap maat.

EZEKIEL 24:3

Ak imwachi kalewenet koot ne ngelelyot, ileenji, mwaei Kiptaiyat Kamuktaindet ne Toroor kole kotkot tereet, kotkot, ak roong'ji peek:

JOEL 2:20

ago aistoi kolooit eng' okweek lugeet ne punu murot kaataam, ak aoone kwo emet ne ong'ateet ak ko surkwen, pendi che indoi kotokyingei nyanjetap Mediterenian ne mi kong'asiis, kobendi che letu nyanjet ne mi cherongo; ak kobul, ak kong'u ne samis, amu kogoyai tuguuk che eecheen.

SEKARIA 6:6

Wendi chepkichutit ne po paraisisyek che tuuen kotokyingei emet ne po murot kaataam; ak ki pa che leelachen koosup chooto, ak ki pa che pusyenen kotokyigei emet ne po murot tai.