JAKOBO 5:4 - BUKUIT NE TILIIL Sireet ne Dutero Kanon

⁴ Ogeero, poldos melekwegap kiboitiinik che kigesei mbareenikwok, che ki onamdegei: ak ki kochut iitiigap Kiptaiyatap Lugoosyek riiregap icheek che kigesei.

Bukuit Ne Tilil

⁴ Ogeero, poldos melekwegap kiboitiinik che kigesei mbareenikwok, che ki onamdegei: ak ki kochut iitiigap Kiptaiyatap Lugoosyek riiregap icheek che kigesei.

BUKUIT NE TILIL

⁴ Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

JAKOBO 5:4 Referencias Cruzadas

TAUNET 4:10

koteebee Kamuktaindet koleenji, “Keyai nee inyee? Riirchino kong'etee ng'wony tuugeetap korotiigap tupcheng'ung'!

Kitabuutap JOB 34:28

Kot kogoochi riiregap kibananook koit ole mi ineendet, ak ki kas riiregap che kinyaliili.

Kitabuutap JOB 7:2

Kergei ak otwogindet ne machei miising' urwet, ak ko uu otwogindet ne igeni melektanyi,

TIENWOGIKAL 9:12

Amu ibwaati icheek ne yaaktoi mugetuut agobo korotiik; ma utye riiregap kibananook.

KOMONG'U 22:27

amu nooto kityo ngoryeet ne tugegei. Tos tugegei nee koruei? Ngo riircho agasyini amu atinye rireenet.

KOMONG'U 3:9

Ee, kagobwanjo riiregap piigap Israel, ak koageer kanyaliilet ne inyalili icheek `Misiriik.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

ISAIAH 5:9

Mwaei Kamuktaindet ne Toroor ne po lugoosyek, agase eng' itiikyuk kole: “Iman, kuberi kooriik che chaang', agot kooriik che eecheen che korooron, koma menyei chii.

JEREMIA 22:13

Pwo eng' ineendet ne teechei koonnyi koma eng' imanda, ne teechei kooriikyik che po oriit eng' sastaet; ne poisyee chiitap kokwennyi ama igoochin melekto, ama igoochin kiit ne yamegei ak poisyennyi;

ATEPTAP LAWIK 19:13

“Amesastae chiitap kokweng'ung', anan irebe kiy. Amat inamdegei melektap otwogindet kot koeech.

HABAKUK 2:11

Amu tuun waachei koita eng' inaatut, ak kowol pambaniat eng' keetiik.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MATAYO 9:37

Ki leenji anyun kasubikyik, “Oo kesisyet iman, ago ng'ering' kiboitiinik.

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

ROMANIK 9:29

Ak, ko uu ye kiga sip komwa Isaiah kole, “Nda ki ma pagaakwech Kiptaiyatap Lugoosyek keswoot, ta kiga kegergeitu ak Sodom, ak ta kiga keyaech keige Gomorah.”

NG'ATUTIK 15:9

Riipkei si ma piitune muguleldang'ung' kabwaatutyet ne ya, ile, ‘Kagoneegitit kenyiitap tisap, kenyinooto po katyaget.’ Mekany koyait kondang'ung' eng' ne otupche ne panan, kot ko megoochi kiy. Imuuchi koriirchi Kamuktaindet ne Toroor agobo inyee ak koek nooto tengekto eng' inyee.

KOLOSAIK 4:1

Kiptainichu, ogoochini otwogikwok nooto ne po imanda ak ne nyolu; ongen ole otinye ak okweek Kiptaiyat eng' kipsengwet.