JAKOBO 4:11 - BUKUIT NE TILIIL Sireet ne Dutero Kanon

¹¹ Amomwaitaegei ng'aleek che yaach okweegei, che kitupche. Ineendet ne mwaitae ng'olyoot ne ya ne tupcho, anan korwookyi tupchennyi, komwaitae ng'olyoot ne ya Ng'atuutyet, ak korwookyin Ng'atuutyet: ago ngot irwookyi Ng'atuutyet, koma ii chiito ne yaei Ng'atuutyet, ago ii ne irwookyin.

Bukuit Ne Tilil

¹¹ Amomwaitaegei ng'aleek che yaach okweegei, che kitupche. Ineendet ne mwaitae ng'olyoot ne ya ne tupcho, anan korwookyi tupchennyi, komwaitae ng'olyoot ne ya Ng'atuutyet, ak korwookyin Ng'atuutyet: ago ngot irwookyi Ng'atuutyet, koma ii chiito ne yaei Ng'atuutyet, ago ii ne irwookyin.

BUKUIT NE TILIL

¹¹ Amomwaitaege ng’alek che yaach okwege, che kitupche. Inendet ne mwaitae ng’olyot ne ya ne tupcho, anan koruokyi tupchennyi, komwaitae ng’olyot ne ya Ng’atutiet, ak koruokyin Ng’atutiet: ago ngot iruokyi Ng’atutiet, ko ma i chito ne yaei Ng’atutiet, ago i ne iruokyin.

JAKOBO 4:11 Referencias Cruzadas

TIENWOGIKAL 140:11

Ma kigimiti chiito ne po ng'aleek che yaach eng' emet; cheeng'ei yaityet chiito ne koroom, si koterteer ineendet.

LUKA 6:37

“Amorwookyi, si tuun koma kirwookwok: amogikyi, si tuun koma ki kikyok: otyach, si tuun kityaachak:

ROMANIK 2:1

Nooto anyun, metinye lotania, ee, inyee chii age tugul ne irwoochi: amu nooto irwookyine age, irwookyinegei inyeendet; amu inyee ne irwoochi, iyae aginye tuguuchooto.

ROMANIK 2:13

amu ma icheek che kasei Ng'atuutyet ko che po imanda eng' taitap Kamuktaindet, ago icheek che yaei Ng'atuutyet, kiityin imanda.

ROMANIK 7:7

Kimwae nee anyun? Tos tengek Ng'atuutyet? Achicha, ma uu nooto. Ago ki ma kota anae tengek nda ki ma ko eng' Ng'atuutyet: amu ki ma kota anai kasetap myat nda ki ma mwa Ng'atuutyet kole, “Amegase myat.”

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 12:20

Amu aiywei, ale si ye anyoo, koma nyoorwok eng' oor age tugul ko uu ye ma mache, ak onyoorwo ko uu ye momache; si ma piit eng' oor age tugul, pooryosyek, ng'etkonda, nereegek, suryosyek, ng'ooksosyek, chaamsosyek, menootosyek, polatosyek;

EPESOEK 4:31

Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul:

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

2 TIMOTEO 3:3

che ma tinyei chamyet, che ma tinyei nyoetap kaat, che itaamsei, che ma riibegei, che kolgoleen, che ma chamei che myach,

TITO 2:3

ko uu nooto chebyosok che kagoeegitu, ingoek che teegot eng' atebosyekwak, che ma kataamik, anan che rategei eng' divaik che chaang', kaneetik che po tuguuk che myach;

JAKOBO 1:16

Amat ongegenaak, chamanikyuk che kitupche.

JAKOBO 1:19

Ongen ng'olyoondoni, chamanikyuk che kitupche. Ago ingochepchebit chii age tugul kogas, amaek ne sip kong'alaali, ama sip konereechi:

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.

JAKOBO 2:8

Ago ngot osulde Ng'atuutyetap kaplaitoryat, ko uu ye mwaei siruutik kole, “Cham chiitap kokweng'ung' ko uu ye ichamdoige,” oyae ne myee;

JAKOBO 5:10

Tupchosyechu, obwaat maotik che ki ng'alaal eng' kainetap Kiptaiyat, koek karogutyetap nyalilda ak muitaet.

JAKOBO 5:7

Omuite anyun, che kitupche, kot koit nyonunetap Kiptaiyat. Ogeero, igeni chiitap ko po mbareet logoek che myachen che po ng'wony, ak komuitoi agobo chooto, kot konyoor ropta ne po tai ak ne po let.

JAKOBO 5:9

Among'unyng'ung'jige okweegei, che kitupche, si ma kirwookwok: ogeero, tononi kirwoogindet eng' taitap kurgotik.

1 PETERO 2:1

Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,