JAKOBO 3:17 - BUKUIT NE TILIIL Sireet ne Dutero Kanon

¹⁷ Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

Bukuit Ne Tilil

¹⁷ Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

BUKUIT NE TILIL

¹⁷ Ago ng’omnatet ne bunu barak ko ne tai ko tilil, yeityo ko bo kalyet, ak komuitoi, ak kasei kiy ne kimwachin, ak ko nyiitat rirenet ak logoek che miach, ama walaksei, ama tinyei chombilet.

JAKOBO 3:17 Referencias Cruzadas

1 LAITORINIK 3:12

nguno anyun ko kaayai ko uu ng'olyoondeng'ung'. Kaagoonin muguleldo ne utaat ak kotinyei kaguiyet; ne ki tomo kobiitu age ne ogerge, ama kobiitu age ne ogerge eng' let.

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

1 LAITORINIK 3:9

Igoochi anyun otwogindeng'ung' muguleldo ne tinyei kaguiyet si korwookyi piiguk, si kobiit abesyo ne myee ak ne ya; amu ng'oo anyun ne imuuchi korwookyi pororyoning'ung'et tagunoot?”

1 ATEPTAP PEETUUSYEK 22:12

Ingogoonin Kamuktaindet ne Toroor kaguiyet ak naet, ak kogoonin ng'atuutyet agobo Israel, si kobiit iriip ng'atuutyetap Kamuktaindet ne Toroor Kamuktaindeng'ung'.

1 ATEPTAP PEETUUSYEK 22:9

Keero, tuun kisigun weeriit, ne egu chiitap kamuung'et, ak agoochini ineendet kamuung'et eng' puunikyik tugul che mi komoswek tugul. Tuun kiguure kainennyi Solomon, ak agoochi Israel kaalyeet ak kamuung'et eng' peetuusyekyik.

Kitabuutap JOB 28:12

Ago kinyoorchin ano utaatyet? Ak menyei ano komostap kaguiyet?

Kitabuutap JOB 28:23

Ingen Kamuktaindet ooreennyi, ak ingen oldanyi.

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

KOMONG'U 36:2

Ki kuur `Musa Bezalel, Aholiab ak chii age tugul ne tinyei kaguiyet, ne kiga kogoochi Kamuktaindet ne Toroor ng'omnateet, agot age tugul ne ki ichirchi muguleldanyi koyai poisyonooto.

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

MALAKI 2:9

Ki ayaak anyun oegu che kisasei ak ko nyerootiin eng' taitap piik tugul, ko uu ye ki ma oriip ortinwekyuk, ago ki otiytiy piik eng' ng'atuutik.

MALAKI 3:3

ak kotep ng'wony ko uu kitong'iin ak ko uu katiliilindetap fedha. Itiliili `inee ooreetap Lawiik ak kotiliil icheek ko uu ye kitiliili thahabu ak fedha; si kogoochi Kamuktaindet ne Toroor kagoochinoik eng' imanda.

MATAYO 23:28

Ara ou nooto okweek ye otaagu ko uu piigap iman eng' taitap piik, ago oriing'wong' ko nyiitaat chombilisyet ak tengekto.

MATAYO 5:8

Poiboen che tiliileen mugulelwek, amu tuun keerei Kamuktaindet.

MATAYO 5:9

Poiboen che yaei kaalyeet, amu kiguure weeriigap Kamuktaindet.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

LUKA 6:36

Oegu che tinyei rireenetapkei, ko uu Kwandang'wong' ne tinyei rireenetapkei.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

POISYONIGAP CHE KIYOKTOI 11:24

Barnaba ko ki chii ne myee ak ki nyiitaat Kabuuset ne Tiliil ak kayaneet. Ki tesak anyun piik ko chang'a che ki pwanji Kiptaiyat.

POISYONIGAP CHE KIYOKTOI 9:36

Ki mi agenge eng' kasubik Joppa ne ki kiguure Tabita, ne ye kiweech eng' kutitap Yunanik ko Dorkas. Ki tinyei kobogoryondoni poisyonik che chaang' che myach ak kagoochinoik che ki igoitoi.

ROMANIK 12:18

Ngo mugaksei eng' okweek, otebi ak piik tugul eng' kaalyeet.

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 15:14

Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei.

1 KORINTOEK 12:8

Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 6:6

eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

2 KORINTOEK 7:11

Amu ogeero, ng'olyoondoniito ne ki koonok arageneet ne tokyingei Kamuktaindet, kogiyai kagiilet ne uu nee eng' okweek; ee, saruunetapkei, ee, nereeknateet; ee, kaiyweisyet; ee, emosto; ee, kagiiletapkei; ee, yaaktaetap mugetuut! Eng' kiy age tugul ko ki obartegei ole oo tiliileen eng' ng'olyoondoniito.

2 KORINTOEK 9:10

Ak ineendet ne igoochin kesweek kolindet ak amitwogik che amei, kogoonok ak kotesei kesweekwok che ogoole, ak kotes logoegap imandang'wong':

EPESOEK 5:9

(amu logoiyatap lapkeiyet ko eng' myeeindo tugul ak imanda ak imanit),

PILIPIK 1:11

ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.

PILIPIK 4:8

Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

1 THESSALONIKEK 2:7

Ago ki kitalaen eng' kwenung'wong', ko uu paindet ne paei lagokyik:

1 TIMOTEO 5:21

Kang'atiin anyun eng' taitap Kamuktaindet, ak Kristo Jeso, ak malaikaisyek che lewenotin, ale iriip tuguuchuuto amesip itil kirwooget, ameyae kiy age tugul eng' tiytiyet.

2 TIMOTEO 2:24

Ama nyoljin otwogindetap Kiptaiyat koyai pooryeet, ago koek ne tala eng' tugul, ne chepchep koneetis, ago muitoi,

TITO 1:15

Tiliileen tuguuk tugul eng' icheek che tiliileen: ago ma mi kiy ne tiliil eng' icheeget che murwonen che ma iyanotin; ago murwonen nautikwak ak kabwaatutikwak.

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

HEBRANIK 12:11

Ma taagu kereetap kong' tugul keele po poiboiyet eng' peetuunnyi; ago po arageneet: ago ye ibata koiichi icheeget che kinetegei nooto, logoegap kaalyeet, chooto ko logoegap imanda.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.

JAKOBO 2:4

koma obesyegei okweegei, ak oegu che irwoochi che tinyei kabwaatutik che yaacheen?

JAKOBO 3:15

Ma punu parak utaatyoni po ng'wony, po poorwek, po oindet.

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 2:1

Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

1 PETERO 2:18

Okweek che oo otwogik, ogas iit kiptainikwok eng' kaiyweisyet tugul; ma che myachen ak che talaen kityo, ago ogas iit che kolgol ak icheek.

1 JOHANA 3:18

Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.