JAKOBO 2:8 - BUKUIT NE TILIIL Sireet ne Dutero Kanon

⁸ Ago ngot osulde Ng'atuutyetap kaplaitoryat, ko uu ye mwaei siruutik kole, “Cham chiitap kokweng'ung' ko uu ye ichamdoige,” oyae ne myee;

Bukuit Ne Tilil

⁸ Ago ngot osulde Ng'atuutyetap kaplaitoryat, ko uu ye mwaei siruutik kole, “Cham chiitap kokweng'ung' ko uu ye ichamdoige,” oyae ne myee;

BUKUIT NE TILIL

⁸ Ago ngot osulde Ng’atutietab kaplaitoriat, ko u ye mwaei sirutik kole, Cham chitab kokweng’ung’ ko u ye ichamdoige, oyae ne mie;

JAKOBO 2:8 Referencias Cruzadas

1 LAITORINIK 8:18

Ago ki leenji Kamuktaindet ne Toroor kwandanyu Daudi, ‘Amu kimi muguleldang'ung' iteekyi koot kainennyu, ko ki iyai kiit ne myee ibwaat ko uu nooto eng' muguleldang'ung'.

2 LAITORINIK 7:9

Yeityo komwachigei kole, “Ma myee ni kagiyai. Kagisisye ak ko peetuuni ko peetuutap logoiywek che myach. Ngot kegany kot koeech, konamech pireet. Ara anyun obwa keebe kemwachi piigap kaplaitoryat.”

ATEPTAP LAWIK 19:18

Ameyaakyi mugetuut anan isus ng'al agobo lagogap piiguk, ago cham chiitap kokweng'ung' ko uu ye ichamegei. Aa Kamuktaindet ne Toroor.

ATEPTAP LAWIK 19:34

Igeitu toondet ne meng'iisyei kobootok ak ne kisikyin kaa, cham ineendet ko uu ye ichamegei; amu ki oo toek eng' emetap Misiri. Aa Kamuktaindet ne Toroor Kamuktaindeng'wong'.

JONAH 4:4

Ak ki le Kamuktaindet ne Toroor, “Tos iyae ne myee nginereech?”

JONAH 4:9

Ki leenji `Kamuktaindet Jona, “Tos iyae ne myee nginereech agobo silangwet?” Ak ki le, “Kayai ne myee nganereechi, anereechi agot agoi meet.”

MATAYO 22:39

Ak ne po aeng' ne kergei ak niito ko ni, ‘Cham chiitap kokweng'ung' ko uu ole ichamdoige.’

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:23

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 7:12

Nooto anyun, tuguuk tugul che omache koyaiywok piik, ko kanyool oyachi ak icheek ko uu nooto: amu chuuto ng'atuutigap Musa ak kaneetisyosyegap maotik.

ROMANIK 13:10

Ma yachin chamyet kiy ne ya chiitap kokwennyi: nooto anyun chamyet ko kasuldaetap Ng'atuutyet.

GALATYEK 5:14

Amu isuldoi Ng'atuutik tugul eng' ng'olyoot agenge, nooto ko ni; Cham chiitap kokweng'ung' ko uu ole ichamdoige.

GALATYEK 6:2

Otoretkei eng' nyalilwogik, oyae kosulda ng'atuutigap Kristo.

PILIPIK 4:14

Ago ki oyai ne myee, amu ki otinye yamdaet eng' nyalildanyu.

1 THESSALONIKEK 4:9

Ago ma nyolu kesirwak agobo chamyetap tupchosyek; amu oneetotin okweeget eng' Kamuktaindet si ochamye;

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.

JAKOBO 2:12

Omwa ak oyai ko uu piik che tuun kirwookyin eng' ng'atuutyetap katyaknateet.

JAKOBO 2:19

Iyani ile agenge Kamuktaindet; iyae ne myee: iyani ak icheek oik, ak kobotandos.

JAKOBO 4:11

Amomwaitaegei ng'aleek che yaach okweegei, che kitupche. Ineendet ne mwaitae ng'olyoot ne ya ne tupcho, anan korwookyi tupchennyi, komwaitae ng'olyoot ne ya Ng'atuutyet, ak korwookyin Ng'atuutyet: ago ngot irwookyi Ng'atuutyet, koma ii chiito ne yaei Ng'atuutyet, ago ii ne irwookyin.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.