JAKOBO 1:9 - BUKUIT NE TILIIL Sireet ne Dutero Kanon

⁹ Ago ingobaibait ne tupchet ne ko nyeraat, eng' katoroorennyi:

Bukuit Ne Tilil

⁹ Ago ingobaibait ne tupchet ne ko nyeraat, eng' katoroorennyi:

BUKUIT NE TILIL

⁹ Ago ingobaibait ne tupchet ne ko nyerat, eng’ katororennyi:

JAKOBO 1:9 Referencias Cruzadas

TIENWOGIKAL 62:9

Iman puch piik che nyerootiin, ak kiplembechonik piik che taagunotiin. Ma ing'eeti kiit ne kigeeree nyigiisindo, wisisen icheek tugul kosiir kabuuset.

KALEWANAIK 17:5

Age tugul ne chotei kibananiat ko chotei Yaindennyi, ineendet ne poiboitu ko kanyoor alage nyalilda koma kimetoi ama kibir.

KALEWANAIK 19:1

Kaigai kibananiat ne wendote imanda, kosiir ne imaasat eng' ng'aleekyik ak ko perber.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

LUKA 1:52

Kagochoor pounik eng' ng'echerokwak, ak kagoeet che nyerootiin.

LUKA 10:20

Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

LUKA 9:48

ak ki leenji icheek, Chii age tugul ne taachei lakwani ming'in eng' kainennyu ko kataacha: ak chii age tugul ne taacha ko kataach ineendet ne ki iyookwo: amu ineendet ne ming'in eng' okweek tugul, ko nooto ne oo.

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

NG'ATUTIK 15:11

Amu ma petos kibananook eng' emet agoi, ko kaang'atiin anyun ale, ‘Kanyool ing'aang'ji eung'ung' iman tupcheng'ung' ak cheguuk che tinyei nyalilda ak kibananoguk eng' emeng'ung'.’

NG'ATUTIK 15:7

“Ngo mi kibanania kwenung'wong' ne po tupchosyeguk eng' nganaseet age ne mi age eng' kurgotiguk ne mi emeng'ung' ne koonin Kamuktaindet ne Toroor Kamuktaindeng'ung', ko mat iuuiit muguleldang'ung', anan imumut eung'ung' eng' ne otupche ne kibanania.

NG'ATUTIK 15:9

Riipkei si ma piitune muguleldang'ung' kabwaatutyet ne ya, ile, ‘Kagoneegitit kenyiitap tisap, kenyinooto po katyaget.’ Mekany koyait kondang'ung' eng' ne otupche ne panan, kot ko megoochi kiy. Imuuchi koriirchi Kamuktaindet ne Toroor agobo inyee ak koek nooto tengekto eng' inyee.

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.

1 SAMUEL 2:8

Ing'eeti kibananook komang'une temburyek, ak ko kanabu eng' kapng'atat che ma tinyei kiy, si kogoochi kotebi ak pounik, ak kosich ng'echereetap toroornatet. Amu po Kamuktaindet ne Toroor tolochigap ng'wony, ak ki konde ng'wony kotonone chooto.