JAKOBO 1:4 - BUKUIT NE TILIIL Sireet ne Dutero Kanon

⁴ Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

Bukuit Ne Tilil

⁴ Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

BUKUIT NE TILIL

⁴ Ak ingoek muitaet ne tinyei boisiet ne igesunotgei, si kobiit oegu che igesunotingei ak ko nyiitotin, che ma rartaat eng’ kiy.

JAKOBO 1:4 Referencias Cruzadas

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

TIENWOGIKAL 37:7

Imuuny eng' Kamuktaindet ne Toroor, ak igen ineendet eng' muitaet; ameng' konyitin chii ne peruri eng' ooreennyi, chiito ne isuldoe ng'aalseet.

TIENWOGIKAL 40:1

Ki aagen miising' Kamuktaindet ne Toroor; ak ki epcha iit, kogas riirekyuk.

KALEWANAIK 4:8

Itoroor, si kolanden; imutyinin teegisto ye onamge ak ineendet.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

MATAYO 19:20

Koleenji murenonooto, “Ki ariip tuguuchu tugul; ta ko ng'etunot nee eng' anee?”

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

MARIKO 10:21

Ki keer anyun `Jeso ineendet ak kocham, ak koleenji, “Ta ko rartaat kiit agenge eng' inyee; ui, ialde tuguuk tugul che itinye, ak igoochi kibananook, si inyooru mogornateet eng' kipsengwet: ak inyoo isubwo.”

LUKA 18:22

Ak ye kingo kas Jeso, koleenji, “Ta ko rartaat kiit agenge eng' inyee: alde tugul che itinye, ak ipchechi kibananook, si inyooru konorwet eng' kipsengwet: ak inyoo, isubwo.”

LUKA 21:19

Ak eng' muitaeng'wong' onyooru saboonwekwok.

LUKA 8:15

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

JOHANA 17:23

anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”

1 KORINTOEK 2:6

Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

2 TIMOTEO 3:17

si kobiit koek chiitap Kamuktaindet, ne ineetat, ne ki kichop koek ne ititaat eng' poisyet age tugul ne myee.

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

2 PETERO 1:9

Amu ineendet ne ma tinyei tuguuchuuto, ko kipkoraatyat ak kogeerei kiit ne mi ole neegit kityo ak koutye katiliilet eng' tengekwogikyik che po keny.