JAKOBO 1:18 - BUKUIT NE TILIIL Sireet ne Dutero Kanon

¹⁸ Ki isichech eng' magennyi eng' ng'olyootap imanit, si kobiit keegu che tongoanigap yautikyik.

Bukuit Ne Tilil

¹⁸ Ki isichech eng' magennyi eng' ng'olyootap imanit, si kobiit keegu che tongoanigap yautikyik.

BUKUIT NE TILIL

¹⁸ Kisichech eng’ magennyi eng’ ng’olyotab imanit, si kobiit keegu che tongoanikab yautikyik.

JAKOBO 1:18 Referencias Cruzadas

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

ATEPTAP LAWIK 23:10

“Mwachi piigap Israel leenjin, Ye oit emet ne agoonok, ak ogesisye eng' olooto, eng' yooto anyun oipchi tisiindet peek che togoanik che po kesisyeng'wong'.

AMOS 6:1

Pwo eng' icheek che mi kaalyeet eng' Zion, ak eng' icheek che kasei kole riibootin eng' tulweetap Samaria, piik che taagunotiin che po che eecheen eng' pororyosyek, che pwaanjin kootap Israel!

JOHANA 1:13

che ki kisich ama eng' korotiik, anan eng' mageetap poorto, anan eng' mageetap chii, ago eng' Kamuktaindet.

ROMANIK 4:17

(ko uu ye siraat kole, “Kaayain iegu kwandap pororyosyek che chaang' ”) eng' taitap ne ki koyan ineendet, nooto ko Kamuktaindet, ne isoobi che ki kobek, ak koguurei tuguuk che ma mi, ko uu che mi.

1 KORINTOEK 4:15

Nga ndotinye riibiik eliphuusyek taman eng' Kristo, ko motinye kwanisyek che chaang': amu ki asichok eng' Kristo Jeso eng' logoiywek che myach.

2 KORINTOEK 6:7

eng' ng'olyootap imanit, eng' kamuktaetap Kamuktaindet; eng' kariigap imanda eng' eutap tai ak eng' murot kaataam,

EPESOEK 1:12

si kobiit keegu kalasunetap toroornatennyi, acheek che kiga kisip kimang'u Kristo.

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

2 TIMOTEO 2:15

Igiilgei ibartegei ile ki koyanun Kamuktaindet iegu kiboityot ne manyol kolilaan, ne poisyee komyee ng'olyootap imanit.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

JAKOBO 3:14

Ago ngot otinye ng'etkonda ne ng'waan ak toiyet eng' mugulelwekwok, ko matoloske, amat omwa lembech agobo imanit.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 JOHANA 3:9

Chii age tugul ne kigesich eng' Kamuktaindet koma yaei tengek, amu tebyei keswondennyi eng' ineendet: amaimuuchi koyai tengek, amu ki kisich eng' Kamuktaindet.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.