ISAIAH 9:7 - BUKUIT NE TILIIL Sireet ne Dutero Kanon

⁷ Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

Bukuit Ne Tilil

⁷ Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

BUKUIT NE TILIL

⁷ Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

ISAIAH 9:7 Referencias Cruzadas

2 SAMUEL 7:16

Ki kimiiti koong'ung' ak laitornateng'ung' koigeny eng' taing'ung'. Ki kimiiti ng'echereetap laitornateng'ung' agoi koigeny.’ ”

2 LAITORINIK 19:31

Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

TIENWOGIKAL 2:8

Sooma, si agoonin pororyosyek koek poroteng'ung', ak agoonin ole poochin ng'wony kobunjiin.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

ISAIAH 16:5

Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 40:10

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

JEREMIA 23:5

Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

HAGGAI 2:9

Eetu toroornatet ne po let ne po kooi kosiir ne po tai, ak agoonu kaalyeet eng' yuto,’ ” mwaei Kamuktaindet ne Toroor ne po lugoosyek.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

JOHANA 12:34

Ki wolji anyun tuiyet ineendet, koleenji, “Kigegas eng' Ng'atuutik keele tebyei Kristo koigeny. Teptoi ano anyun si imwa ile, kanyool keuito Weeriitap chii? Ng'oo Weerooto po chii?”

HEBRANIK 1:8

Ago ki mwa agobo Weeriit kole, “Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

HEBRANIK 7:24

Ago amu tebyei ineendet koigeny, kotinyei anyun tiseinateet ne ma kiwalei.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.