ISAIAH 9:19 - BUKUIT NE TILIIL Sireet ne Dutero Kanon

¹⁹ Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

Bukuit Ne Tilil

¹⁹ Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

BUKUIT NE TILIL

¹⁹ Kigolal emet eng’ neregekab Jehovah ne bo lugosiek: kagoigei bik kwenik che kilaali; marire chi ng’etab kamet.

ISAIAH 9:19 Referencias Cruzadas

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 13:13

Ayae anyun kipsengwet kobotan, ak kitumdum ng'wony koistogei eng' komostanyi, eng' nereeknatetap Kamuktaindet ne Toroor ne po lugoosyek, ak eng' peetuutap nereegekyik che ng'woneen.

ISAIAH 13:18

Ak kotonaton kwangokwak murenik; ama tinyei riirge eng' che kisichei; ma riiree lagok.

ISAIAH 13:9

Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

ISAIAH 24:6

Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 3:5

Ak tuun kiusei piik, usei `age age, ak kous age tugul chiitap kokwennyi. Sasei `lakwa poiyo, ak kosas `chiito ne nyeraat chiito ne konyitot.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

ISAIAH 4:4

Ye tuun kagoundo Kamuktaindet ne Toroor simdap tiibiigap Zion, ak koundo korotiigap Jerusalem eng' kwenunnyi eng' kirwooget, ak eng' maat.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 5:30

Ak komororchi icheek eng' peetuunooto ko uu mororetap nyanjet. Ak ngo keer chii emet, ogeero, mi mesundeito ak pichiindo, ak koimenit lapkeiyet eng' polikyik.

ISAIAH 60:2

Amu, keero, tuchei mesundeito ng'wony, ak kotuch mesundeito ne oo pororyosyek: ago chorchinin Kamuktaindet ne Toroor, ak kotook toroornatennyi eng' inyee.

ISAIAH 8:22

ak kogeer ng'wony, ago ogeero, mi pichiindo ak mesundeito, mesundeito ne po ndara; ak keonji icheek mesundeito ne oo.

JEREMIA 13:16

Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

EZEKIEL 20:47

ak imwachi timdap murot tai, ileenji, kas ng'olyootap Kamuktaindet ne Toroor; Mwaei Kiptaiyat Kamuktaindet ne Toroor kole: Keero, anaami maat eng' kwenung'ung', ak kobeel keetit age tugul ne tuon, ak keetit age tugul ne yaamaat: ma kimisi liplibenetap maata, ak komel togoochik tugul kobooch murot tai agoi murot kaataam.

EZEKIEL 9:5

Ak ki mwachi alak agase, koleenji, oba obun nganaseet, osup ineendet, ak obarisyote amat koriiree konyekwok, anan koriiraak moo:

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

JOEL 2:3

Amisyei maat eng' tainnywa; ak lalei liplibenetap maat eng' let. Eng' tainnywa ko uu emet mbareetap Eden, ak kagoek surkwen kityo ole po let; ak ma piitu ne kachilile icheek.

ATEPTAP LAWIK 26:26

Ye atil amitwogikwok kong'ering'itu, kobeel anyun kobogorisyek tamanu amitwogikwok eng' kapkoimaut agenge, ak kebimanwak amitwogikwok eng' ratilit. Oamisyei amobiyonyi.

AMOS 5:18

Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

OBADIA 1:18

Ak koek kootap Jakobo maat, ak koek kootap Joseph liplibenet, ak koek kootap Esau mobeek, ak kolalyo eng' kwenunnywa ak kobeel kogees, ama ng'etu chii eng' kootap Esau; amu kagomwa Kamuktaindet ne Toroor ng'olyoondoniito.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

MIKAH 7:6

Amu iteweeri weeriit kwanda, porye chepto kamet, porye osotyotap weeriit korgennyi ne po yugoi; puunigap chiito piikyik.

SEKARIA 11:6

Amu ma ariiree kogeny piik che menyei emoni, mwaei Kamuktaindet ne Toroor. Agoitoi chii tugul kwo eutap chiitap kokwennyi ak agoite kwo eutap laitoryannyi: ak kobar emet, amasaru icheek eng' eunnywa.”

SEKARIA 11:9

Ki amwa anyun ale, maayagok: ingome ne meei; ak ingebar ne kibarei; ak ingoam age tugul eng' che kang'et panyeegap age.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 27:45

Ki imenit anyun emet komugul kong'etee sait lo agoi sait sogool.

POISYONIGAP CHE KIYOKTOI 2:20

Kiwolei asiista koek mesundeito, ak kewal arawet koek korotiik, kotom koit peetuutap Kiptaiyat, peetuut ne oo ak ko ne tagunoot.

2 PETERO 2:4

Amu ngot ko ki ma riiree `Kamuktaindet malaikaisyek ye kingo yai tengekto, ago ki toorchi ole kanyee kirwooget, ak konde keriingonik che po mesundeito keriip kot koit kirwooget;