ISAIAH 9:17 - BUKUIT NE TILIIL Sireet ne Dutero Kanon

¹⁷ Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

Bukuit Ne Tilil

¹⁷ Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

BUKUIT NE TILIL

¹⁷ Maboiboitu Jehovah eng’ murenikwak, ama rire chechuak che matinyei kwanda ak mosogikwak: amu ya age tugul, ak ko yaindetab yaitiet, ak komwaei kutit age tugul abusnatet. Nganda u noto, ko ma istogei neregekyik, ago ta ko chuulat eunnyi kora.

ISAIAH 9:17 Referencias Cruzadas

Kitabuutap JOB 15:34

Amu egu soon tuiyetap che ma iywei Kamuktaindet, ak peelei maat emaisyek che mi asoya.

TIENWOGIKAL 109:12

Amat kobiit chii ne riiree ineendet; amat kobiit ne riiree lagokyik che ma kotinyei kwanda.

TIENWOGIKAL 147:10

Ma paibai ineendet eng' kimnateetap paraisiit, ama paibai eng' labatindet;

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 10:2

kobeet ne nyalili eng' kirwooget, ak korebe imanit kibananogap piikyuk, si kobiit koek mosoogik parunenikwak, ak si kobiit koluul che ma tinyei sigiik!

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 13:18

Ak kotonaton kwangokwak murenik; ama tinyei riirge eng' che kisichei; ma riiree lagok.

ISAIAH 14:20

Motuitosi kobooto icheek eng' tubeet, amu ki ing'em emeng'ung', ki ibar piiguk. Ma kemwaei koigeny iyoteetap piik che yaei yaityo.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

ISAIAH 31:2

Ago utaat ineendet agine ak ibu yaityet, ama walei ng'aleekyik; ago ng'eetei kogirindoi kootap yaigap yaityet, ak toretetap icheeget che yaei tengekto.

ISAIAH 31:3

Ago piik Misiriik, ak ma Kamuktaindet; ak panyeek paraisisyekwak, ama kiy. Ye chuul Kamuktaindet ne Toroor eunnyi, keriichei ineendet ne toretisyei, ak ibuti ne ketoreti, ak kobutos tuwai.

ISAIAH 33:11

Omanachi meteteek, oiyie mobeek; kabuseng'wong' ko maat ne igeswok.

ISAIAH 33:12

Kergeitu piik ak taartaarik che kibeelei, ko uu katok che kiluuli, che kibeelei eng' ma.”

ISAIAH 40:30

Nyaluldos ak kong'etos agot neranik, ak kobutyo murenik:

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

ISAIAH 62:5

Amu ko uu ye ituni mureno pergeiyat, uu nooto tuun itunin weeriiguk: ak ko uu ye paibaitu sandet eng' murereet, ko uu nooto, tuun poiboitu Kamuktaindeng'ung' eng' inyee.

ISAIAH 65:19

Ak abaibaitune Jerusalem, abaibaitune piikyuk: ama kegasei ne riirei eng' nganasanooto, anan tuugeet ne po riirek.

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:21

Amei `Manasseh Ephraim, ak amei `Ephraim Manasseh; ak kogirindoi icheek tuwai Judah. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 18:21

Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 5:1

Orwaate ortinwegap Jerusalem si ogeer ak onai, ocheeng' eng' komoswekyik che paraen, ngot omuuchi onyooru chii agenge, ne yaei imanda ak ne cheeng'ei imanit, si ngot komi, anyochi kaat nganasanooto.

EZEKIEL 20:33

Mwaei Kiptaiyat Kamuktaindet ne Toroor kole, iman, ko uu ye asabe, aegu laitoryat aboiywok eng' euut ne kiim, ak eng' euut ne chuulaat, ak eng' nereegek che ng'woneen che rong'ugei.

AMOS 4:10

Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

AMOS 8:13

Eng' peetuunooto ko tuun tanuitos pergeinik che korooron ak murenik, amu melelda.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

MATAYO 12:34

Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

MATAYO 16:3

ak ngo ek karon omwa ole, ‘Usei ra, amu piriir ak kotulungenot parak.’ Ongen obesye ole teptoi soet parak, ago momuuchi obesye kaboorunoigap peetuusyechu.