ISAIAH 8:19 - BUKUIT NE TILIIL Sireet ne Dutero Kanon

¹⁹ Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

Bukuit Ne Tilil

¹⁹ Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

BUKUIT NE TILIL

¹⁹ Ak ye mwawok kole, Ocheng’ate ichek che boisie oik ak bonik, che twegu ko u taritik ak che nyeanyei ng’alek: tos manyoljin bik kocheng’ Kamuktaindenywa? Tos nyoljin kocheng’at che kigobek agobo che soptos?

ISAIAH 8:19 Referencias Cruzadas

TAUNET 41:24

Ak kolugui itichooto meiyotiin itiik chuun tisap myachen. Kinga mwachi piik che ng'oorsei, koma piit ne koimuuch koboorwo.”

2 LAITORINIK 1:3

Ago ki leenji malaikaiyatap Kamuktaindet ne Toroor Elijah Tisbindet, “Ng'eet ak iwe otuiye ak piik che kaiyookto laitoryatap Samaria, ak ileenji icheek, ‘Si obe oteepse Baal-sebub kanamwetap Ekron, ko amu ma mi Kamuktaindet Israel?’

2 LAITORINIK 21:6

Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:24

Ki isto `Josiah icheek che kiboisyee oik, pooniik, terapik, kanamonik ak tuguuk tugul che kiwechei che ki kigeerei eng' emetap Judah ak eng' Jerusalem. Ki yai niito si kobiit kogimit ng'aleegap Ng'atuutik che kiga kisir eng' bukuit ne kinyoor Hilkiah tisiindet eng' kootap Kamuktaindet ne Toroor.

1 ATEPTAP PEETUUSYEK 10:13

Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,

2 ATEPTAP PEETUUSYEK 33:6

Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

TIENWOGIKAL 106:28

Ki namgei icheek ak Baal-peor, Ak ki am koroseek che ki kieng'jin che ki kobek.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 26:14

Ki kobek icheek, ma kosaptos; ki kobek, ma kong'eetos. Ki inyonji anyun ak ing'em icheek, ak ki igoochi kolus kabwaatet age tugul agobo icheek.

ISAIAH 29:4

Ak kinyeratin, ak ing'alaal imi ng'ung'unyek, ak kinyerat ng'aleeguk komang'une temburyek; ak kogergeit tweguuneng'ung' ak chiito ne poisyee oik, ne mang'une ng'ung'unyek, ak ichaam ng'aleeguk eng' temburyek.

ISAIAH 30:2

che ng'eetos kochorchingei Misiri, ama teebena; che igimitegei kimnateetap Pharaoh, ak komong' urwetap Misiri.

ISAIAH 45:11

Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.

ISAIAH 47:12

Tonon anyun nguno itinye ng'oorsosyek, kobooto chaang'indap orgoinatosyeguk, che ki ibirtochigei kobooch ko ii ming'in; ngo tos imuuchi inyoorunee kelunet, ngo tos imuuchi iterteerisye.

ISAIAH 47:13

Ki ing'eet eng' chaang'indap kirwoogutiguk: ingotononso anyun ng'amotigap kecheik, ak keerigap kecheik, ng'amotigap arawet age tugul, kosaruun eng' tuguuk che pwonjinin.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 27:9

Ago, amogas okweek maotikwok anan piikwok che ng'oorsei anan karwotitaosyekwok anan chepsogeinik anan pooniik, che ng'alaalwok koleenjinok, Moote laitoryatap Babilon:

ATEPTAP LAWIK 19:31

“Amobe ye mi che poisyee oik anan pooniik; amocheeng'ate, si ma ing'wanitak. Aa Kamuktaindet ne Toroor Kamuktaindeng'wong'.

ATEPTAP LAWIK 20:6

“Aboorchini nereegegap togeennyu chiito ne mastoi kosubi ne poisyee oik ak pooniik, ne isubi koyaei ibeetapkei kobooto icheek, ak ang'etoi chiichooto eng' piikyik.

MIKAH 5:12

ak aiste ponisosyek eng' eung'ung'; ama inyooru kogeny chepsogeinik:

POISYONIGAP CHE KIYOKTOI 16:16

Peetuut age ye ki kibendi ole kisaae, kotuiyenech chepto ne ki tinyei tamirmiryet ne ng'oorsei ne ki ipchi kiptainikyik tuguuk che chaang' amu ng'oorset.

NG'ATUTIK 18:10

Amat kobiit eng' okweek ne igoitoi weeriinnyi anan cheptonyi kobun maat anan ne poisyee ng'oorset anan sageiywek anan ne isagisyei anan poonindet,

NG'ATUTIK 18:11

anan ne abusisyei anan ne ng'alaali ak oik anan poonindet anan ne ng'alaali ak che ki kobek.

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

2 PETERO 2:1

Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

1 SAMUEL 28:11

Ki le anyun `kwonyooto, “Ng'oo ne imache amutun kotogos?” Ak ki le, “Imutwaa Samuel kotogos.”

1 SAMUEL 28:16

Koleenji `Samuel, “Amu nee si iteebena ago ki kometen Kamuktaindet ne Toroor ak koek punyondeng'ung'?

1 SAMUEL 28:7

Koleenji anyun `Saulo otwogikyik, “Ocheeng'wo kwondo ne poisyee oik, si awo ole mi ineendet ak ateepse.” Ak ki wolji `otwogikyik ineendet, “Mi kwony agenge En-dor ne ng'oorsei.”

1 SAMUEL 28:8

Kiwalgei `Saulo kolaach ngoroik alak yeityo kwo ineendet kobooto piik aeng' ak ki it kemoi ole ki mi kwonyooto. Ki leenji `Saulo kwonyooto, “Asoomin ale ng'oorsewa eng' oindet ak imutwaa kotogos chii age tugul ne amwaun kainennyi.”