ISAIAH 8:10 - BUKUIT NE TILIIL Sireet ne Dutero Kanon

¹⁰ Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

Bukuit Ne Tilil

¹⁰ Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

BUKUIT NE TILIL

¹⁰ Oruoch tugul, si koek buch; omwa ng’olyot, ama tononi: amu mi Kamuktaindet kobotech.

ISAIAH 8:10 Referencias Cruzadas

TAUNET 21:22

Ki ng'alaalji eng' peetuusyechooto Abimelek ak Pikol, ineendet ne ki kiptaiyatap kiplutotinikyik, Abraham koleenji, “Miitei Kamuktaindet kobooten eng' tuguuk tugul che iyae.

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

2 SAMUEL 17:4

Ki ibaibai Absalom ng'olyoondonooto, kobooto poisyek tugul che po Israel.

2 LAITORINIK 6:12

Ki le age eng' otwogikyik, “Achicha, kiptaiyandennyu, ee laitoryat. Mwachin Elisha maotyot ne mi Israel laitoryatap Israel ng'aleek che imwae eng' koong'ung' oriit ne irue.”

2 ATEPTAP PEETUUSYEK 13:12

Ogeero, mi Kamuktaindet kobootech, kondoiywech, ak tisiikyik che tinyei iryagook che po waagaat si koguutwak ne po waagaat. Ee piigap Israel, amat obargei ak Kamuktaindet ne Toroor, Kamuktaindetap kwanisyekwok; amu mo poore.”

Kitabuutap JOB 5:12

Ng'emei chobutigap piik che ng'aalik, kot koma komuuchi eunekwak koyai tuguuk che po kagilennywa pogei.

TIENWOGIKAL 21:12

Amu iweechi icheek kotuktochin patai, igeresach kipchaboniguk si itokyi icheek.

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 46:8

Obwa si ogeer poisyonigap Kamuktaindet ne Toroor, ogeer tuguuk che kikwong'ee che ki yai ineendet eng' ng'wony.

KALEWANAIK 21:30

Ma mi utaatyet, anan kaguiyet, anan kirwooget, ne kirindoi Kamuktaindet ne Toroor.

ISAIAH 14:27

Amu Ki kochop Kamuktaindet ne Toroor ne po lugoosyek, ko tos ng'oo ne walei koek puch? Chuulaat eunnyi, tos ng'oo ne arunyi?

ISAIAH 28:18

Yeityo kewal kayomiseng'wong' ne ki oyomiske ak meet koek puch, ama tononi kayanjineng'wong' ne ki oyanjine ak ye mi meet. Ye siirto pireet ne oo, ketyegatak anyun eng' yooto.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 8:8

ak kobokto kwo Judah, ak koyom kosiir olooto, nyiei kot koit kaatit; ak konyiiei kaiitoetap kebebaikyik tebeesindap emeng'ung', ee Immanuel.”

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

JEREMIA 46:28

Meiywei, ee Jakobo otwogindennyu, mwaei Kamuktaindet ne Toroor; amu ami kobooten: amu ageesu pororyosyek tugul che kigaonjin, ago magesun; ago atigoonin eng' kirwooget, amabagaaktoin ama kibirin.

RIREKAB JEREMIA 3:37

Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

JOEL 3:9

Omwaite ng'olyoondoni eng' pororyosyek; ochop lugeet: oong'et piik che nyigoonen; ingorik murenik tugul che po lugeet, ingotogos.

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

KAITOSYEK 14:9

Ago kaigai amongelelji Kamuktaindet ne Toroor anan oiywei piigap emet, amu uu amitwogik icheek eng' acheek. Kigeistoe icheek urwetap toreteet ak mi Kamuktaindet ne Toroor kobootech, amoiywei icheek.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.