ISAIAH 7:4 - BUKUIT NE TILIIL Sireet ne Dutero Kanon

⁴ ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

Bukuit Ne Tilil

⁴ ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

BUKUIT NE TILIL

⁴ ak ilenji inendet, Ripge, ak isis; ameiyweisie, anan kotanui muguleldang’ung’, amu katutoichu aeng’ che bo kegenganik che iyendos, amu neregek che ng’wonen che bo Resin ak Suria, ak che bo weritab Remalia.

ISAIAH 7:4 Referencias Cruzadas

2 LAITORINIK 15:27

Ki toi kolaitoran Pekah weeriitap Remaliah eng' Israel eng' Samaria, eng' kenyiitap konom ak aeng' kobooch kolaitoran Azariah eng' Judah, ak ki laitoran kenyiisyek tiptem.

2 ATEPTAP PEETUUSYEK 20:17

Ma okweek che oyae lugoni. Otetkei, otononse, si ogeer yetunetap Kamuktaindet ne Toroor ne mi kobootok, ee Judah ak Jerusalem. Amoiyweisye, anan oaragense. Oba opookyi icheek mutai; amu mi Kamuktaindet ne Toroor kobootok.’ ”

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 30:15

Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole, “Kisarwok ye oweege ak omuuny; egu kimnateeng'wong' siisek ak kamang'unet.” Ago ma ocham,

ISAIAH 30:7

Amu puch toretetap Misiri, ma tilei kiy, ki aguure anyun ineendet Rahab ne tebyei kosiisei.

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 37:6

Ak ki leenji Isaiah icheek, Omwachini kiptaiyandeng'wong' ko uu ni, oleenjini, Kamwa Kamuktaindet ne Toroor kole, meiywei ng'aleek che kegas, che kachubena otwogigap laitoryatap Assyria.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 7:1

Eng' peetuusyegap Ahaz weeriitap Jotham, weeriitap Uzziah, laitoryatap Judah, kotogosta Rezin laitoryatap Syria, ak Pekah weeriitap Remaliah, laitoryatap Israel koba koleen kobookyi Jerusalem; ago ma imuuch koterteer.

ISAIAH 7:8

Amu metitap Syria ko Damasko, ak metitap Damasko ko Rezin. (Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)

ISAIAH 7:9

Metitap Ephraim ko Samaria, ak metitap Samaria ko weeriitap Remaliah. Ngot ko moyan, koma koi ogimegitu.

ISAIAH 8:4

Amu kotom komuuch lakwanooto kotwek kole, ‘Abba’ anan ‘Eiyo,’ koluulei laitoryatap Assyria mogornatosyegap Damasko ak parunenigap Samaria.”

ISAIAH 8:6

“Amu ki eesyo pichu peegap Siloa che rootei mutyo, ak koboiboitune Rezin ak weeriitap Remaliah;

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

AMOS 4:11

Ki ang'em ageesu alak eng' okweek, ko uu ye king'em Kamuktaindet Sodom ak Gomorah kogees, ak kio uu mecheita ne kaginemune maat; ago tomo oweekyage, mwaei Kamuktaindet ne Toroor.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

SEKARIA 3:2

Ak ki leenji Kamuktaindet ne Toroor Setani, Ingogeerin kong' Kamuktaindet ne Toroor, ee Setani; ee, ingogerin kong' Kamuktaindet ne Toroor ne ki lewen Jerusalem: tos ma mecheita niito ne kaginemune ma?

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.

MATAYO 24:6

Tuun ogase agobo lugoosyek ak ng'aleek agobo paretapkei; oriipkei si moaragense; amu pwoonei tuguuchu matiny; ago tomo koitu kagesunet.

NG'ATUTIK 20:3

‘Ogaso, ee Israel koriikyi rani lugeet obargei ak pounikwok amogoochi mugulelwekwok kotanuiso, amoiywei anan obotanse, among' komuok pichooto.

1 SAMUEL 17:32

Kingo it koleenji `Daudi Saulo, “Amat kome chii mugulel agobo ineendet; wendi otwogindeng'ung' kobaregei ak Philistindoniito.”