ISAIAH 66:2 - BUKUIT NE TILIIL Sireet ne Dutero Kanon

² Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

Bukuit Ne Tilil

² Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

BUKUIT NE TILIL

² Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

ISAIAH 66:2 Referencias Cruzadas

1 LAITORINIK 21:29

“Igeere ole iming'indogei Ahab eng' tainnyu? Amu iming'inegei eng' tainnyu, koma ibu yaityet eng' peetuusyekyik; ago aipchini yaityet koonnyi eng' peetuusyegap weeriinnyi.”

2 LAITORINIK 22:10

Ki mwachi Sapan siriindet laitoryat, koleenji, “Kagoono Hilkiah tisiindet bukuit.” Ak kisooman Sapan eng' taitap laitoryat.

2 LAITORINIK 22:11

Kingo kas laitoryat ng'aleegap bukuitap Ng'atuutik, kogereer ngoroikyik.

EZRAH 10:3

Ongiyomiske anyun ak Kamuktaindennyo keiste osotik tugul ak lagok che kisichei osotichooto ko uu ng'olyoondeng'ung' inyee kiptaiyandennyu ak ne po icheeget che kabotanso amu ng'atuutyetap Kamuktaindennyo ak ingoyaak ko uu ng'atuutyet.

EZRAH 9:4

Ki iyumjagei anyun chii age tugul ne kibotani agobo ng'aleegap Kamuktaindetap Israel, agobo pistoetap che kiga kiluul. Ki atebi ng'wony akwong' kot koit kagoitoetap kagoochinetap koskoleny.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 119:161

Kigoonata puch pounik; ago iywei muguleldanyu ng'aleeguk.

TIENWOGIKAL 138:6

Agot nga toroor Kamuktaindet ne Toroor, kogeerei ne nyeraat, ago ingen ineendet menotyot agot ngo mi ole loo.

TIENWOGIKAL 34:18

Neegitee Kamuktaindet ne Toroor icheeget che ilyotiin mugulelwekwak, ak kosaru icheek che ki konyeratitu mugulelwekwak.

TIENWOGIKAL 51:17

Korosegap Kamuktaindet ko Kabuuset ne kigoil; ee Kamuktaindet, mesase muguleldo ne kigoil ak kotinyei siguunet.

TIENWOGIKAL 51:19

Ibaibaitune anyun tiseiywek che po iman, eng' kagoochinet ne kibeelei ak kagoochinet ne kibeelei komugul; igoitoi anyun `icheek kiruugik eng' kaptisisyeng'ung'.

KALEWANAIK 28:14

Paibai chiito ne iyweisyei kotugul; ago ibutyin yaityet ineendet ne iuuiiti muguleldanyi.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

ISAIAH 40:26

Onyal parak, ogeer ole ng'oo ne ki toi koyai chuuto, ne imutu lugeennywa kobee koitet: kuurei tugul eng' kainaikwak, eng' ooindap kamugennyi, ak kiim ineendet eng' kamuktaet, ma peet agot agenge.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

HABAKUK 3:16

Ki agas, ak kitilgei moennyu, ki potan kutinnyu eng' cheonooto. Ki nunio kawekyuk ak ki abotan eng' ole ki ami: Ki agen eng' siisinetapkei agobo peetuutap nyalilda, ne nyoonei koityin piik che ki ibookyo.

MATAYO 12:6

Ago amwaiwok ale, mi yu ne oo kosiir Hekaluut.

POISYONIGAP CHE KIYOKTOI 7:50

Tos ma eunnyu ne kiyaei tuguuchu tugul?’

POISYONIGAP CHE KIYOKTOI 9:6

Ago ng'eet, ui nganaseet, si kemwaun kiit ne kanyool iyai.”

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

KOLOSAIK 1:17

ak po tai ineendet eng' tuguuk tugul, ak namegei tuguuk tugul eng' ineendet.