ISAIAH 64:9 - BUKUIT NE TILIIL Sireet ne Dutero Kanon

⁹ Amat inereech miising', ee Kamuktaindet ne Toroor, amat ibwaat tengekto agoi! Keero, keer komyee, kisaain, ki piiguk acheek tugul.

Bukuit Ne Tilil

⁹ Amat inereech miising', ee Kamuktaindet ne Toroor, amat ibwaat tengekto agoi! Keero, keer komyee, kisaain, ki piiguk acheek tugul.

BUKUIT NE TILIL

⁹ Amat inerech mising’, ee Jehovah, amat ibwat tengekto agoi: keero, keer komie, kisain, ki biguk achek tugul.

ISAIAH 64:9 Referencias Cruzadas

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

TIENWOGIKAL 119:94

Aa neng'ung', sarwo anyun; amu ki acheeng' kaneetisyosyeguk.

TIENWOGIKAL 38:1

Ee Kamuktaindet ne Toroor, amegera kong' eng' nereegeguk; ameneeta eng' nereegeguk che koroomen.

TIENWOGIKAL 6:1

Ee Kamuktaindet ne Toroor, megera kong' eng' nereegeguk, anan itigoono eng' nyitateng'ung' ne ng'waan.

TIENWOGIKAL 79:13

Ak acheek anyun, che ki piiguk ak keechiiregap akweeng'ung', Kemwaun kongoi koigeny: Ak kimwaitoi kalasuneng'ung' eng' ibinwek tugul.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

ISAIAH 63:19

Kageige piik che kitom ibou; ko uu icheeget che ma kimwaitae kaineng'ung'.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 10:24

Ee Kamuktaindet ne Toroor, itigoono, ago eng' kirwooget; ma eng' nereegeguk, si meyaa aek puch.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 44:21

Tos ki ma ibwaat `Kamuktaindet ne Toroor icheek ama chut metinnyi, nyamdutik che ki obeele eng' nganasoogap Judah, ak eng' ortinwek che po Jerusalem, okweek ak kwanisyekwok, laitorinikwok, ak pounikwok, ak piigap emet,

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

RIREKAB JEREMIA 5:18

Amu tulweetap Zion, ne ki koek karaatya; ko pendate lelwek olooto.

RIREKAB JEREMIA 5:20

Amu nee anyun si iutyenech agoi? Amu nee si imeteech ne tee noo?

RIREKAB JEREMIA 5:22

aiya ko ki ieesyech miising', ak iting'enech nereegek che ma iitoksei.

EZEKIEL 29:16

Ama koegu kogeny ne kimang'u eng' kootap Israel, ne koonu kibwaat tengekto, ye kuskong' kogeer icheek: si konai kole aa Kiptaiyat Kamuktaindet ne Toroor.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

HABAKUK 3:2

Ee Kamuktaindet ne Toroor, ki agas ng'aleeguk, aiyweisyei: Ee Kamuktaindet ne Toroor, ing'eet poisyeng'ung' eng' kasariitanyo; Yai kotook eng' kasarinyo; Ibwaat rireenet nginereechi.

MALAKI 1:4

Nga mwaei Edom kole ki kiterterech, ago kiweeksei ak keteech komoswek che ki koek karatwek, ko mwaei Kamuktaindet ne Toroor ne po lugoosyek kole, “Tuun teechei icheek ago abute. Kuuree piik icheek emetap yaityet, piik che ating'ee nereegek koigeny”

2 PETERO 2:17

Chuuto kondametusyek che ma tinyei peek, ak ko poolik che ibooti usoonet; che ki kigonorchi tuindap mesundeito.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.