ISAIAH 64:11 - BUKUIT NE TILIIL Sireet ne Dutero Kanon

¹¹ Kigebeel koonnyo ne tiliil ne karaaran, ole kilasunenen kwanisyekyok; Ki kong'emogis tuguukyok tugul che korooron.

Bukuit Ne Tilil

¹¹ Kigebeel koonnyo ne tiliil ne karaaran, ole kilasunenen kwanisyekyok; Ki kong'emogis tuguukyok tugul che korooron.

BUKUIT NE TILIL

¹¹ Kigebeel gonnyo ne tilil ne kararan, ole kilosunenen kwanisiekyok; kigong’emogis tugukyok tugul che kororon.

ISAIAH 64:11 Referencias Cruzadas

1 LAITORINIK 8:14

Kiwelelgei laitoryat, ak koberuur tuiyet tugul ne po Israel, ak kitononso tuiyet tugul ne po Israel.

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

2 ATEPTAP PEETUUSYEK 6:4

Ki le ineendet, “Iberuurot Kamuktaindet ne Toroor, Kamuktaindetap Israel, ko uu ye kagoyai eng' eunnyi kosulda ne ki ng'alaalji eng' kutinnyi abba Daudi kole,

2 ATEPTAP PEETUUSYEK 7:3

Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

2 ATEPTAP PEETUUSYEK 7:6

Kitononso anyun tisiik kobee poisyonikwak; ki yai ko uu nooto Lawiik ak icheek che ki tinyei kibungandinigap tyenwogik che po Kamuktaindet ne Toroor, che kiga koyai Daudi laitoryat che kimwachine kongoi Kamuktaindet ne Toroor. Kityenso kole “Amu po koigeny rireenennyi,” ko uu ye ki ng'at `Daudi icheek eng' otisyennywa. Kiguutei iryagook tisiik eng' tainnywa, ak kitononso Israel tugul.

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

RIREKAB JEREMIA 1:7

Ibwaati Jerusalem peetuusyegap nyalilda ak pichiinwekyik. Ibwaati tuguukyik tugul che ki iboiboi ineendet kobooch peetuusyek che po keny. Ibwaati ye ki ibutyin piikyik eutap puunyoot, ama toret chii ineendet, Ki chot katerterikyik ineendet agobo kabutennyi.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

EZEKIEL 24:21

Ng'alaalji kootap Israel, ileenji, mwaei Kiptaiyat Kamuktaindet ne Toroor kole: Ogeero, amurwoni oldanyu ne tiliil, menoteetap kimnateeng'wong', ne iboiboi konyekwok, ne riiree saboonwekwok; ak kebare rotwetap chok weeriikwok ak tiibiikwok che ki obagaakte.

EZEKIEL 24:25

Ak inyee, ee, weeriitap chii, tos manyonjinin chiito eng' peetuut ye arebee icheek kimnateennywa, ak poiboiyetap toroornatennywa, ak ne iboiboi konyekwak, ak kioto ki inde mugulelwekwak, ak weeriikwak ak tiibiikwak,

SEKARIA 1:12

Ki wol anyun malaikaiyatap Kamuktaindet ne Toroor kole, “Ee Kamuktaindet ne Toroor ne po lugoosyek, ta ieesyoi kot kotyanit si iriiree Jerusalem, ak nganasoogap Judah, che ki inereekyi kenyisyechu tamanwogik tisap?”

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.