ISAIAH 61:7 - BUKUIT NE TILIIL Sireet ne Dutero Kanon

⁷ Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

Bukuit Ne Tilil

⁷ Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

BUKUIT NE TILIL

⁷ Onyoru konyil aeng’ agobo kalilaneng’wong’; ak koboiboitu eng’ kebebertanywa kogeere toiyet: nyabani anyun ichek konyil aeng’ eng’ emenywa: bunjin ichek boiboiyet ne bo koigeny.

ISAIAH 61:7 Referencias Cruzadas

2 LAITORINIK 2:9

Kingo landa, koleenji `Elijah Elisha, “Soom kiit ne imache ayaun, kotomo kimuta eng' ole imi.” Ak ki le Elisha, “Asoomin ale, ingotebena kebebertap muguleldong'ung' konyil aeng'.”

Kitabuutap JOB 42:10

Kowal anyun `Kamuktaindet ne Toroor ratetap Job, ye kingo sa agobo choronokyik. Ki igoochi `Kamuktaindet ne Toroor Job konyil aeng' kosiir che ki tinyei eng' tai.

TIENWOGIKAL 126:5

Che kolsei eng' peegap kong' ko kesei eng' poiboiyet.

TIENWOGIKAL 16:11

Iboorwo ooreetap saboondo; mi kagasetapkei taing'ung' ne nyiitaat, mi eung'ung' ne po tai che kechamei agoi koigeny.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

SEPANIA 3:19

Keero, aborye eng' peetuusyechooto icheek tugul che inyaliilin. Ak asaru ineendet ne ing'wali, ak amutu ineendet ne ki kioon; ak awale kalilanennywa koek kalasunet ak konaak kainennywa eng' ng'wony tugul.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

SEKARIA 9:12

Oweekyigei irimeet, ee okweek kimonjororinik che otinye kamang'unet; agot rani amwae ale, ageerun konyil aeng'.

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

NG'ATUTIK 21:17

Kanyool koyani kole weeriit ne oo weeriitap ne ma chamei ak kogochi ineendet kebeberwek aeng' eng' tugul che tinyei. Amu ineendet taunetap kimnateennyi chechiik tuguuk che nyoljin weeriit ne oo.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,