ISAIAH 61:11 - BUKUIT NE TILIIL Sireet ne Dutero Kanon

¹¹ Amu ko uu ye ing'atos tuguuk eng' ng'wony, ak ko uu ye piitos tuguuk che ki kigoolji mbar; kobiti ko uu nooto Kiptaiyat Kamuktaindet ne Toroor imanda ak kalasunet eng' taitap pororyosyek tugul.

Bukuit Ne Tilil

¹¹ Amu ko uu ye ing'atos tuguuk eng' ng'wony, ak ko uu ye piitos tuguuk che ki kigoolji mbar; kobiti ko uu nooto Kiptaiyat Kamuktaindet ne Toroor imanda ak kalasunet eng' taitap pororyosyek tugul.

BUKUIT NE TILIL

¹¹ Amu ko u ye ing’atos tuguk eng’ ng’ony, ak ko u ye bitos tuguk che kigigolji mbar; kobiti ko u noto Kiptaiyat Jehovah imanda ak kalosunet eng’ taitab bororiosiek tugul.

ISAIAH 61:11 Referencias Cruzadas

TAUNET 1:11

Komwa Kamuktaindet kole, “Ingobiityo tugun eng' ng'wony: keetin alak tugul che po timiin che yiei kesui, ak che po logoi che tinyei kesui ko uu kergeindonywa”, ak kiyaak ko uu nooto.

TIENWOGIKAL 72:16

Ak tuun piitu chaang'indap peek eng' ng'wony eng' tuloonook parak; Ak itumdumegei logoekyik ko uu Lebanon: Ak tunendos icheek che po nganaseet ko uu susweek che po ng'wony.

TIENWOGIKAL 72:3

Ipchin tuloonook piiguk kaalyeet, Ak ipchin tuloonook che mengeechen piiguk imanda.

TIENWOGIKAL 85:11

Kabiitune imanda ng'wony; Ak ing'ururi ng'wony imanda eng' kipsengwet.

TYENDO NE SIIREI TUGUL 4:16

Ng'eet, ee usoonetap murot kaataam, ak inyoo inyee usoonetap murot tai; ousyi mbareennyu, si kobiit komuuch kong'uu nyamdutikyik. Ingonyo chamanennyu mbareennyi, ak koam logoekyik che korooron miising'.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 45:23

Ki ayosyechigei, kagomang'une ng'olyoot kutinnyu eng' imanda, ama weechegei, ale, kutung'jino kutundo age tugul, iyastos ng'elyepta age tugul.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 45:8

Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 62:1

Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 62:7

amogoochini ineendet komuuny, agoi kogimit Jerusalem ak koyai koek kalasunet eng' ng'wony.

MATAYO 13:23

Ne ki kilechi ng'ung'unyek che myach, ko ineendet ne kasei ng'olyoot ak koguiyo, ne yiei logoek iman, alak pogol, alak tamanwogik lo, ak alak sosom.”

MATAYO 13:3

Ki mwachi icheek tuguuk che chaang' eng' kalewenaik koleenji, “Ogas o! Ki wo kolindet koleeta

MATAYO 13:8

Ki ibutyi alak ng'ung'unyek che myach, ak koiyo logoek, alak pogol, alak tamanwogik lo, ak alak sosom.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.